დეკანოზ მამა გიორგი მამალაძის დაკითხვის პირველი ნაწილი დასრულდა, რომელიც 4 საათის განმავლობაში  გაგრძელდა.

ადვოკატის ინფორმაციით, ბრალდებულმა ყველა კითხვას პასუხი გასცა. მას დაკითხვის დეტალებზე არ უსაუბრია, თუმცა თქვა, რომ  ციანიდის თემაზე შეკითხვები იყო. ამასთან, ადვოკატის თქმით, სოსო ოხანაშვილთან დაკვშირებით კითხვები არ დასმულა.

„ყველა კითხვას,  რაც დაუსვეს მამა გიორგის, გაეცა პასუხი. ციანიდის საქმესთან დაკავშირებით მიმდინარეობს კითხვები. კითხვა, რომ ამ დანაშაულში ოხანაშვილიც იყოს ჩართული, ჯერჯერობით არ დასმულა“,- განაცხადა მიხეილ რამიშვილმა.

პროკურატურის წარმომადგენელს მედიასთან ჯერჯერობით კომენტარი არ გაუკეთებია.

ერთ საათიანი შესვენების შემდეგ დაკითხვა კვლავ განახლდება.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, შემდეგ კი, ე.წ. მატროსოვის ციხეში გადაიყვანეს. დეკანოზი წარდგენილ ბრალს არ აღიარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი