2017-03-09 11:40:07, 1249 ნახვა
საზოგადოება
საპატრიარქოში წმინდა სინოდის წევრები იკრიბებიან
საქართველოს საპატრიარქოში წმინდა სინოდის წევრები იკრიბებიან, თუმცა სასულიერო პირები მედიასთან კომენტარს არ აკეთებენ.
საპატრიარქოს იურისტის ედიშერ ქარჩავას ინფორმაციით, სხდომას სრულიად საქართველოს კათალიკოს პატრიარქი, ილია მეორე უხელმძღვანელებს.
ამასთან, ქარჩავა არ აკონკრეტებს, თუ რაზე იქნება საუბარი სინოდის სხდომაზე, თუმცა წინასწარი ინფორმაციით, სასულიერო პირები დეკანოზი გიორგი მამალაძისა და ე.წ. ციანიდის საქმის ირგვლივ გამოვლენილ ახალ დეტალებს განიხილავენ.
წმინდა სინოდის სხდომა 12:00 საათზე დაიწყება. ცნობისთვის, ეს პირველი სხდომა, რომელიც ე.წ ციანიდის საქმის გახმაურების შემდეგ გაიმართება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
