დღეს მთავარ პროკურატურაში მამა გიორგი მამალაძის სახლიდან ამოღებული სეიფი გახსნეს.

როგორც დეკანოზის ადვოკატი მიხეილ რამიშვილი აცხადებს, სეიფი ცარიელი აღმოჩნდა. 

„გაიხსნა სეიფი და იქ არაფერი აღმოჩნდა. გამოძიებას შეიძლება ეჭვი ჰქონოდა, რომ რამე ყოფილიყო, ვინაიდან მამა გიორგი სეიფის გასაღებს, ე.წ. კოდს პროკურატურას არ აძლევდა. დღეს ჩვენი თანდასწრებით, სპეციალისტის საშუალებით გაიხსნა სეიფი, თუმცა იქ არაფერი აღმოჩნდა“, - განაცხადა მიხეილ რამიშვილმა.

დღესვე დაზუსტდა, რომ პატრიარქის მდივან-რეფერენტმა შორენა თეთრუაშვილმა ჩვენება გამოძიებას ორჯერ მისცა.

რამიშვილის ინფორმაციით, ამ ჩვენებების მიხედვით, საქმის ძიება საერთოდ უნდა შეწყდეს.

"შემიძლია პირდაპირ გითხრათ, რომ შორენა თუთრუაშვილის ჩვენებები პირდაპირ მიუთითებს იმაზე, რასაც აქამდე ვამბობდი, რომ თუ გონიერება ეყოფათ, ეს საქმე უნდა შეწყვიტონ. შორენა თეთრუაშვილი ჩვენებაში არავითარ ვარაუდს არ გამოთქვამს იმაზე, თუ რატომ უნდა მოეწამლა ის მამა გიორგის”, - განაცხადა მიხეილ რამიშვილმა.

გარდა ამისა, პროკურატურამ დეკანოზ გიორგი მამალაძის ადვოკატებს გიორგი ფანცულაიასა და მია ზოიძეს გაუთქმელობის ხელწერილის დარღვევაზე უარი უთხრა. საგამოძიებო უწყებამ წერილობით პასუხში უარის არგუმენტები არ წარმოადგინა.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა