2017-03-06 10:16:41, 1475 ნახვა
საზოგადოება
საქართველოს ტერიტორიაზე 8 მარტის ჩათვლით არამდგრადი ამინდებია მოსალოდნელი
საქართველოს ტერიტორიაზე 8 მარტის ჩათვლით არამდგრადი ამინდებია მოსალოდნელი.
გარემოს ეროვნული სააგენტოს ინფორმაციით, შიდა ქართლის მხარეში სინოპტიკოსები აღნიშნულ პერიოდში უნალექო და თბილ ამინდს ვარაუდობენ, ხოლო კახეთის მხარეში ძირითადად ნალექიანი ამინდებია მოსალოდნელი.
დედაქალაქ თბილისში 8 მარტის ჩათვლით, ცვალებად ამინდებს პროგნოზირებენ. დღეს +7 გრადუსი და ნისლია, 7 მარტს +13 გრადუსი და წვიმაა მოსალოდნელი, 8 მარტს +13 გრადუსი და ასევე წვიმაა ნავარაუდევი, 9 მარტს კი გამოიდარებს და ჰაერი +14 გრადუსამდე გათბება.
რაც შეეხება დასავლეთ საქართველოს, 8 მარტის ჩათვლით უმეტესად უნალექო და თბილი ამინდებია ნავარაუდევი. ტემპერატურა +20 გრადუსამდე აიწევს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
