საქართველოს უზენაეს სასამართლოსთან ტელეკომპანია  „რუსთავი 2“-ის მხარდამჭერი აქცია მიმდინარეობს.

აქციაზე სხვადასხვა პოლიტიკური პარტიებისა და არასამთავრობო ორგანიზაციების წარმომადგენლები, ასევე რიგითი მოქალაქეები არიან შეკრებილი.

ისინი ტელეკომპანიის საქმეზე უზენაეს სასამართლოს საბოლოო გადაწყვეტილებას ელოდებიან.

აქციას ცოტა ხნის წინ პარლამენტის შენობის მიმდებარე ტერიტორიიდან მსვლელობით პარტია „ევროპული საქართველოს“ წევრებიც შეუერთდნენ. როგორც სერგი კაპანაძემ აღნიშნა, მათი პარტია ყოველთვის იქ იქნება, სადაც „რუსთავი 2“-ია.

„ჩვენი პოლიტიკური გუნდი აქ იქნება, ამ ადამიანების გვერდით, რომლებიც შეიკრიბნენ „რუსთავი 2“-ის დასაცავად, დასამტკიცებლად იმისა, რომ რუსთავი 2 არ იქნას აღებული ხელისუფლების მიერ. თუ ეს მოხდება შეუქცევადი ზიანი მიადგება ჩვენი ქვეყნის იმიჯს, დემოკრატიას და შემდეგ ამის შეცვლა და აღმოფხვრა, ძალიან ძნელი იქნება. იმედი მაქვს, რომ ბიძინა ივანიშვილი და ხელისუფლება საღ აზრს არ დათმობს და ბოლო წამებში ამ დამღუპველ ნაბიჯზე არ წავა. რუსთავი 2 არის ფლაგმანი საქართველოში, როგორც ოპოზიციური, ისე ზოგადად თავისუფალი სიტყვის“, - განაცხადა სერგი კაპანაძემ.

სასამართლოს შენობასთან და მიმდებარე ქუჩებზე დიდი ოდენობით სამართალდამცველები არიან მობილიზებული.

შეგახსენებთ, რომ უზენაესი სასამართლო დღეს ტელეკომპანია ”რუსთავი 2”-ისა და მისი მფლობელების, ძმებ ლევან და გია ყარამანიშვილების საკასაციო საჩივარს განიხილავს. ტელეკომპანიის წილებთან დაკავშირებულ დავას უზენაესი სასამართლოს დიდი პალატა ზეპირი მოსმენის გარეშე განიხილავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა