„დღეს ჩვენს ტერიტორიაზე ფუნქციონირებს შპს „ივანიშვილის საქართველო“,-ამის შესახებ ყოფილმა პრეზიდენტმა, „ნაციონალური მოძრაობის“  თავმჯდომარემ მიხეილ სააკაშვილმა ვაშინგტონიდან ჩართვისას ყრილობის სხდომაზე განაცხადა.

როგორც სააკაშვილმა აღნიშნა,  რუსი ოლიგარქი მოვიდა, რომელმაც ქართული სახელმწიფოებრიობა გააუქმა და პირად საკუთრებაში გადაიყვანა.

„მოვიდა რუსი ოლიგარქი  და გააუქმა ქართული სახელმწიფოებრიობა და პირად საკუთრებაში გადაიყვანა ის.  აქცია თავის  შპს-დ.  დღეს ჩვენ ქვეყანას არ ჰყავს არც პრეზიდენტი, არც მთავრობა, რომელსაც მოეკითხება რამე, ყველაფერი ემსახურება მხოლოდ ერთი კაცის ხუშტურებს, ერთი გაუნათლებელი ტლუ,  საქართველოს მტრის პირად ახირებებს და ბოღმას, რომელსაც გადააყოლა საქართველოს განვითარება და წინსვლა. ამის პარალელურად როდესაც ის  ყველაფერს წყვეტს, მისი პასუხისმგებლობა ქართველი ხალხის წინაშე არის ნოლი. ის ძირითად დროს ხან პოლიტიკოსებს ათამაშებს, გაიყვანს პარტიაში,  შემოიყვანს, დანარჩენი დრო ზის თავის  ბრონირებულ აკვარიუმში და ერთობა ზვიგენებთან და ზებრებთან ერთად თამაშით, ხეების გადარგვით და ხანდახან ახალი პოლიტიკური პარტიების შექმნით.

დღეს საქართველოს სახელმწიფოებრიობა გაუქმებულია.  ის სახელმწიფო, რომლის შექმნაში ამდენი ოფლი და ჯაფა ჩავდეთ, ის სახელმწიფო აღარ არსებობს.

დღეს ჩვენს ტერიტორიაზე ფუნქციონირებს შპს „ივანიშვილის საქართველო“.  ამიტომ ჩვენი  მიზანი არის ძალიან მკაფიო და ნათელი გავაუქმოთ შპს „ივანიშვილის საქართველო“  და აღვადგინოთ ქართული  სახელმწიფოებრიობა“,-განაცხადა სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს