2017-01-11 09:47:38, 1231 ნახვა
პოლიტიკა
კახა კალაძე დღეს „გაზპრომთან“ დაკავშირებით მთავრობის გადაწყვეტილებას გაახმაურებს
მთავრობის დღევანდელ სხდომაზე „გაზპრომთან“ დაკავშირებით იმსჯელებენ.
როგორც პრემიერ-მინისტრმა გიორგი კვირიკაშვილმა აღნიშნა, სხდომის დასრულების შემდეგ ენერგეტიკის მინისტრი „გაზპრომთან“ დაკავშირებით განცხადებას გააკეთებს:
„კახი კალაძე დაბრუნდა მინსკიდან, სადაც გაიმართა გაზპრომ ექსპორტთან მოლაპარაკებები. დღეს მთავრობის სხდომაზე განვიხილავთ იმ წინადადებებს, რომელთა მიღწევაც შესაძლებელი გახდა ამ მოლაპარაკებების შედეგად. ასევე კახი კალაძე გააკეტებს განმარტებებს იმ გადაწყვეტილებასთან დაკავშირებით, რომელსაც მთავრობა ამ საკითხთან მიმართებაში მიიღებს“, - განმარტა გიორგი კვირიკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
