თავდაცვის მინისტრმა ლევან იზორიამ უწყების ცალკეულ დანაყოფებში რეორგანიზაციასთან დაკავშირებით განმარტებები გააკეთა.

მინისტრის თქმით, გენშტაბში განხორციელდა რეორგანიზაცია, გაუქმდა გარკვეული დეპარტამენტები, რომლებიც წმინდა სამოქალაქო ფუნქციებს ასრულებდნენ.

იზორიას განმარტებით, აღნიშნულ მიმართულებაზე უარი არ უთქვამთ, უბრალოდ ოპტიმალური რაოდენობა შეინარჩუნეს.

ამასთან, მინისტრმა სამხედრო პოლიციის ბატალიონების და სამოქალაქო პირების დათხოვნის მიზეზებიც განმარტა.

იზორია ამბობს, რომ სამხედრო პოლიციის რაოდენობამ საქმეთა თანაზომიერი უნდა გახდეს. ამიტომ მისი თქმით, ტესტების შედეგად, გამოავლინეს ოპტიმალური რაოდენობა, რომელიც მუშაობას გააგრძელებს.

"თუ გვინდა ნატოს სტანდარტებთან მიახლოება, უნდა ჩამოვაყალიბოთ ნატოს სტანდარტებთან თავსებადი სისტემა", - აღნიშნა მინისტრმა.

მისივე განცხადებით, ოპტიმიზაცია ეხება ძირითადად სამოქალაქო პერსონალს.

იზორიას თქმით, ყველა გადაწყვეტილება, რომელიც სამოქალაქო მოსამსახურეებს უკავშირდება, ობიექტური კრიტერიუმებით კომისიის ფარგლებშია მიღებული.

"კომისიის საქმიანობა ვარსკვლავიანი თანამდებობების ფუნქციების იდენტიფიცირებასთანაა დაკავშირებული. მათ უკვე შეასრულეს სამუშაო და ახლა შეფასების ანალიზს ვახდენთ", - აღნიშნა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს