პარლამენტის ვიცე-სპიკერის, გია ვოლსკის შეფასებით, საკონსტიტუციო კომისიის შემადგენლობა საკმაოდ დაბალანსებულია.

როგორც დეპუტატმა „ექსპრესნიუსს“ განუცხადა, ადამიანებს, რომლებიც სიაში ვერ მოხვდნენ, საშუალება აქვთ, კომისიას თავიანთი წინადადებებით და მოსაზრებებით მიმართონ.

„უპირველეს  ყოვლისა ვფიქრობ, რომ შემადგენლობა საკმაოდ დაბალანსებულია. თუმცა ვისაც გული დაწყდა, რომ არ არის სიაში  და სურვილი აქვს, რომ იყოს ჩართული ამ პროცესებში სრული უფლება და საშუალება აქვთ, რომ კომისიას  მათი წინადადებებით, მოსაზრებებით მიმართონ და აუცილებლად უნდა იცოდნენ, რომ არ დარჩება მათი მომართვები უყურადღებოდ“,-განაცხადა გია ვოლსკიმ.

რაც შეეხება, პარლამენტის ყოფილი თავმჯდომარის დავით უსუფაშვილის გადაწყვეტილებას, რომელიც კომისიის მუშაობაში მონაწილეობას არ მიიღებს, გია ვოლსკი აცხადებს, რომ აღნიშნულთან დაკავშირებით უსუფაშვილის განმარტება საკმაოდ დამაჯერებელია.

„რაც შეეხება დავით უსუფაშვილის ჩართულობას, ვფიქრობ თავად დავითის განმარტება საკმაოდ დამაჯერებლად ჯღერს.  თუმცა ამავე დროს ვახტანგ ხმალაძე, ადამიანი, რომელიც საქართველოს დამოუკიდებლობის პირველი დღეებიდანვე  იდგა კონსტიტუციური ცვლილებების, დემოკრატიული ინსტიტუტების განმტკიცების პროცესის სამსახურში, მიუხედავად მისი პარტიულობისა, ალბათ    გარკვეულწილად მატარებელი  იქნება  იმ მოსაზრებების, რომელიც მის თანაპარტიელს დავით უსუფაშვილს და სხვა თანაპარტიელებს გააჩნიათ.  ასე რომ, კომისიის ბალანსის მხრივ ვფიქრობ, რომ ეს შემადგენლობა ოპტიმალურია“,-დასძინა  გია ვოლსკიმ.

ცნობისთვის, საქართველოს პარლამენტის თავმჯდომარემ, ირაკლი კობახიძემ სახელმწიფო საკონსტიტუციო კომისიის შემადგენლობა დაასახელა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო