აჭარის ავტონომიური რესპუბლიკის მთავრობის თავმჯდომარის მიერ წარდგენილ მთავრობის შემადგენლობას დღეს, რიგგარეშე სხდომაზე უყრიან კენჭს.

სხდომა 12:00 საათზე დაიწყება და მას საკანონმდებლო ორგანოს თავმჯდომარე დავით გაბაიძე წარუძღვება. მინისტრთა კაბინეტის ახალ შემადგენლობას აჭარის ა.რ მთავრობის თავმჯდომარე ზურაბ პატარაძე წარადგენს.

მინისტრთა კაბინეტის შემადგენლობაში 2 ახალი სახე იქნება წარმოდგენილი: განათლების, კულტურისა და სპორტის მინისტრობის კანდიდატი ინგა შამილიშვილი და ჯანმრთელობისა და სოციალური დაცვის მინისტრობის კანდიდატი ზაალ მიქელაძე. მინისტრთა პორტფელებს შეინარჩუნებენ ფინანსთა და ეკონომიკის მინისტრი რამაზ ბოლქვაძე და სოფლის მეურნეობის მინისტრი ლაშა კომახიძე.

მთავრობის შემადგენლობაზე საკანონმდებლო ორგანოს კომისიებსა და ფრაქციებში უკვე იმსჯელეს. მინისტრობის ოთხივე კანდიდატი საკანონმდებლო ორგანოს წევრებს საკუთარი ხედვებსა და სამომავლოდ განსახორციელებელ გეგმებს დღეს უკვე რიგგარეშე სხდომაზე  გააცნობენ დეპუტატებს. ისინი უპასუხებენ მათ შეკითხვებს, რის შემდეგაც აჭარის ავტონომიური რესპუბლიკის უმაღლესი საბჭო მთავრობის ახალ შემადგენლობას  დაამტკიცებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს