საქართველოს პრემიერ-მინისტრი გიორგი კვირიკაშვილი მთავრობის სხდომაზე ეროვნული ვალუტის გაუფასურებას კიდევ ერთხელ გამოეხმაურა.

კვირიკაშვილის თქმით, იმ გეოგრაფიულ არეალში, სადაც საქართველო იმყოფება, სავაჭრო პარტიორი ქვეყნების პრაქტიკულად ყველა ვალუტა გაუფასურებულია:

„თუ ჩვენ პროცენტულ მაჩვენებლებს შევხედავთ, და ამაზე ჩვენი ოპონენტები ხშირად აპელირებდნენ და მინდა ვთქვა, რომ ეს იყო აბსოლუტურად საფუძველს მოკლებული წმინდა წყლის პოლიტიკური სპეკულაციები, ეს იყო დაახლოებით 100%-ზე მეტი გაუფასურება, ყველა ძირითადი ვალუტის, საუბარი მაქვს, თურქული ლირაზე, ეს არის უკრაინული გრინა, რომელიც 200%-0ზე ზევით არის, რუსული რუბლი დაახლოებით 90%-ის ფარგლებშ, აზერბაიჯანული მანათი, 100%-ზე ზევით, 2012 წელზე იყო საუბარი, 2012 წლის შემდეგ ქართული ლარი გაუფასურებულია დაახლოებით60 - 65%-მდე ფარგლებშ. ეს არ არის რა თქმა უნდა კარგი, თუმცა  მინდა ვთქვა, რომ საქართველო თავისი ეკონომიკური განვითარების დინამიკით, მიუხედავად ყველა იმ გამოწვევისა, რომელშიც ჩვენ ვიმყოფებით და მიუხედავად იმ სოციალური ფონისა, რომელშიც ჩვენი მოსახლეობა დღეს იმყოფება, გამომდინარე ჩვენი ქვყნის განვითარების დონიდან, იმყოფება ძალიან კარგ პირობებში, იმისათვის, რომ ჩვენ ვიმსჯელოთ მომავალ, ძალიან მნიშვნელოვანი განვითარების გეგმებზე. ყველა ნაბიჯი, რომელსაც ჩენ ვდგამთ ორიენტირებულია იმისკენ, რომ ჩვენ გვქონდეს უფრო მაღალი განვითარების დინამიკა, ვიდრე ეს ეს ჩვენს სამეზობლო ქვეყნებშია”,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს

21-ე საჯარო სკოლაში სასწავლო პროცესი 28 სექტემბრიდან განახლდება