2016-12-14 19:43:31, 1055 ნახვა

---

ხოშტარია „ოცნებას“: ამ ბიუჯეტის მხარდაჭერით თქვენ ხდებით პასუხისმგებლები იმ ადამიანების წინაშე, რომელთა მდგომარეობა დღეს მძიმეა

მინდა შეგახსენოთ, რომ ამ ბიუჯეტის მხარდაჭერით თქვენ ხდებით პასუხისმგებლები იმ ადამიანების წინაშე, რომელთა მდგომარეობა დღეს არის მძიმე და კიდე უფრო დამძიმდება მსგავსი ბიუჯეტის მიღების შემთხვევაში, თქვენ გაქვთ შანსი, რომ ეს პასუხისმგებლობა გაიზიაროთ და დასვათ ის კითხვები რაც მართლა დასასმელია და უბრალოდ ხელი არ აწიოთ და შეასრულოთ გუნდური დავალება, - ასე მიმართა "ერთიანი ნაციონალური მოძრაობის" დეპუტატმა ელენე ხოშტარიამ საპარლამენტო უმრავლესობას. 

"4 წლის განმავლობაში გაურბოდით პასუხისმგებლობას ლართან დაკავშირებით კითხვებზე და ზოგადად ყველა საჭირბოროტო საკითხზე, სამწუხაროდ დღეს რომ ვხედვდე უფრო პასუხისმგებლობით ეკიდებოდეთ ამ საკითხს არანიარი სურვილი არ მექნებოდა თქვენი განცხადებების შეხსენების.

2015 წელს ბიძინა ივანიშვილი ამბობს : ლართან დაკავშირებით არის ყველაფერი კარგად, ეს არის მოგონილი ტემა, არანაირ ტვირთად არ აწევს საზოგადოებას და არაფერი განსაკუთრებული არ ხდება კარგის გარდა.

2016 წლის სექტემბერში ფინანსთა მინისტრი გვარწმუნებდა, რომ მე ვარ დარწმუნებული, ჩვენი ვალუტის კურსი იქნება სტაბილური, მათშორის არჩევნების შემდეგ.

გეტყვით კონკრეტულ გადაწყვეტილებებს რის გამოც ლარი არის დღეს ასეთ მდგომარეობაში, მოხვედით თუარა ხელისუფლებაში დაიწყეთ ლანძღვა ჩვენი ქვეყნის და ყველა საერთაშორისო რეიტინგების უარყოფა, რომ ეს იყო ყველაფერი  ტყუილი და ამით ხელი შეუშალეთ ინვესტორებს შემოსულიყო ფული, მიიღეთ საკანონმდებლო გადაწყვეტილებები რომლითაც შეზღუდეთ სავიზო გადაწყვეტილება, მიწის გაყიდვის გადაწყვეტილება, გააჩერეთ ინფრასტრუქტურული პროექტები, დაიწყეთ დღესაც აგრძელებთ არათანაბარ ხარჯვას ბიუჯეტის, ეს არის მიზეზები ბატონებო და არა რეგიონალური პრობლემები", - აღნიშნა ხოშტარიამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი