LIBE-ს კომიტეტმა ვიზალიბერალიზაციის შეჩერების მექანიზმის შეთანხმებული ვარიანტი დაამტკიცა

2016-12-08 14:56:48, 1814 ნახვა

პოლიტიკა

LIBE-ს კომიტეტმა ე.წ შეჩერების მექანიზმის შეთანხმებული ვარიანტი დაამტკიცა, - ამის შესახებ კომიტეტის სხდომაზე გახდა ცნობილი.

საკანონმდებლო ინიციატივას კომიტეტის 37 წევრმა დაუჭირა მხარი, 9 წევრი წინააღმდეგი იყო, ხოლო 2-მა წევრმა კენჭისრაში მონაწილეობისგან თავი შეიკავა.

აღნიშნულს, რადიო "თავისუფლების" ბრიუსელის ბიუროს ჟურნალისტი რიკარდ იოზვაკიც Twitterის საკუთარ გვერდზე გამოეხმაურა. როგორც ჟურნალისტი წერს, შემდეგი განხილვა სავარაუდოდ მომავალ კვირას შედგება.

LIBE-ს კომიტეტში შეჩერების მექანიზმის დამტკიცების შემდეგ სავარაუდოდ ცნობილი გახდება პლენარულ სესიაზე საქართველოს ვიზალიბერალიზაციის საკითხის კენჭისყრის თარიღიც.

შეგახსენებთ, რომ ევროკავშირის საბჭომ და ევროპარლამენტმა შეჩერების მექანიზმის თაობაზე შეთანხმებას გუშინ მიაღწიეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან