საქართველოს საგარეო საქმეთა მინისტრმა მიხეილ ჯანელიძემ ნატო-ს საგარეო საქმეთა მინისტერიალის ფარგლებში, ჩრდილოატლანტიკური ალიანსის გენერალური მდივნის ახლადდანიშნულ მოადგილეს როუზ გოტემოლერს შეხვდა.  
 
როგორვ 'ექსპრესნიუსს" საგარეო უწყებიდან აცნობეს, შეხვედრაზე საქართველოს ნატო-ში ინტეგრაციის მიმართულებით აქტიურ თანამშრომლობას გაესვა ხაზი. ამასთან, გენერალური მდივნის მოადგილემ მაღალი შეფასება მისცა საქართველოს მიერ წლიური ეროვნული პროგრამით განსაზღვრული ვალდებულებების შესრულებას და ასევე არსებითი პაკეტის იმპლემენტაციის პროცესში მიღწეულ მნიშვნელოვან პროგრესს. კიდევ ერთხელ დადასტურდა ნატო-ს მზაობა ხელი შეუწყოს საქართველოში რეფორმების განხორციელებას და ქვეყნის თავდაცვისუნარიანობის შემდგომ გაძლიერებას პრაქტიკული მხარდაჭერის მიმართულებით.
 
აღინიშნა საქართველოს მნიშვნელოვანი წვლილი საერთაშორისო უსაფრთხოების უზრუნველყოფაში და საქართველოს მონაწილეობა მტკიცე მხარდაჭერის მისიაში. 

შეხვედრაზე მხარეებმა შავი ზღვის რეგიონში არსებული უსაფრთხოების გარემო მიმოიხილეს. მინისტრმა გენერალური მდივნის მოადგილეს საქართველოს ოკუპირებულ რეგიონში არსებულ ვითარებაზე ინფორმაცია მიაწოდა და ასევე მადლობა გადაუხადა ნატოს საქართველოს ტერიტორული მთლიანობისა და სუვერენიტეტის ურყევი მხარდაჭერისთვის.
 
შეხვედრაზე ნატო-საქართველოს თანამშრომლობის თვალსაზრისით მომავალი წლის ინტენსიური დღის წესრიგი განიხილეს, რაც მხარეების განცხადებით ალიანსთან პრაქტიკული თანამშრომლობის გაძლიერებას და საქართველოს ნატო-ში ინტეგრაციის პროცესს ხელს შეუწობს. 
 
"ძალიან კარგი შეხვედრა შედგა ნატო-ს გენერალური მდივნის მოადგილესთან. მივესალმებით მის ამ პოზიციაზე დანიშვნას და სამომავლოდ აქტიურ თანამშრომლობას.   განვიხილეთ ნატო-საქართველოს ურთიერთობის დღის წესრიგი, რომელიც ძალიან აქტიურია, პირველ რიგში ვისაუბრეთ ნატო საქართველოს არსებითი პაკეტის იმპლემენტაციაზე და ამ მიმართულებით არსებულ პროგრესზე.  ხაზი გაესვა, როგორც ნატო-ს ასევე წევრი ქვეყნების დახმარების მნიშვნელობას,  რაც ხელს უწყობს საქართველოს თავდაცვისუნარიანობის გაძლიერებას და ჩვენს ინტეგრაციას ნატოში. მომავალ წელს ნატო-საქართველოს თანამშრომლობის ფორმატში დაგეგმილია არაერთი ღონისძიება, როგორც მოგეხსენებთ იგეგმება ნატოს სამხედრო კომიტეტის ვიზიტი,  ასევე თბილისში გაიმართება ნატოს საპარლამენტო ასამბლეა. დაგეგმილია ნატო-საქართველოს კომისიის გამართვა სხვადასხვა ფორმატებში, ეს აქტიური დღის წესრიგი გამოყენებული იქნება როგორც პრაქტიკული თანამშრომლობის გასაძლიერებლად ასევე ნატოში ინტეგრაციის საკითხის მაქსიმალურად აქტიურად განსახილველად"- განაცხადა მიხელ ჯანელიძემ. 

მინისტრმა მიულოცა გენერალური მდივნის მოადგილეს აღნიშნულ თანამდებობაზე დანიშვნა და წარმატება უსურვა მას სამომავლო საქმიანობაში.

ცნობისთვის, 2016 წლის 6-7 დეკემბერს საქართველოს საგარეო საქმეთა მინისტრი ბრიუსელში ნატო-ს საგარეო საქმეთა მინისტერიალში მონაწილებს. ვიზიტის ფარგლებში დაგეგმილია მინისტრის სიტყვით გამოსვლა მტკიცე მხარდაჭერის მისიაში ჩართული ქვეყნების საგარეო საქმეთა მინისტრების შეხვედრაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა