"ნაციონალური მოძრაობის" მხრიდან კრიმინალის გაზრდაზე კითხვა ახალი არ არის და ჭორაობას გავს, - ასე უპასუხა შს მინისტრობის კანდიდატმა გიორგი მღებრიშვილმა დეპუტატ გიგა ბოკერიას კითხვას.

როგორც მღებრიშვილმა აღნიშნა, ქვეყანაში კრიმინალი გაზრდილი არ არის.

"გაზრდილ კრიმინალზე კითხვის დასმა ახალი არ არის, იქნებ დაგვიკონკრეტოთ და ციფრები მოიყვანოთ, მე მზად ვარ ნებისმიერი ციფრები წარმოგიდგინოთ, იმის თაობაზე რომ ქვეყანაში კრიმინალი გაზრდილი არ არის. ზეპირად საუბარი... ბოდიშს გიხდით და ჭორაობას გავს... დავიღალეთ, კითხვა იყო თუ ბრალდებები, ვეღარ ვარკვევ მე, თავის მართლებას არ ვაპირებ, პირდაპირ გეუბნებით, საქართველოში კრიმინალი გაზრდილი არ არის, ამის ციფრებს მე თქვენ წარმოგიდგენთ. თუ თქვენ მეტყვით რა ნაწილშია კრიმინალი გაზრდილი, რა სახის კრიმინალია გაზრდილი და ა.შ. რაც შეეხება სტატისტიკას კვარტალში ერთხელ საქსტატს მიეწოდება და თქვენ შეგიძლიათ გამოითხოვოთ ეს სტატისტიკა, თუ გაინტერესებთ. ეს საჯაროა და არავინ ამას არ დაგიმალავთ“, - განაცხადა გიორგი მღებრიშვილმა.

ამასთან, გიგა ბოკერიას კითხვას თუ რატომ არ იძებნება გივი თარგამაძის მანქანის აფეთქებაში ბრალდებული ინტერპოლის მიერ შს მინისტრობის კანდიდატმა აღნიშნა, რომ შესაბამისი პროცედურები მიმდინარეობს.

"რაც შეეხება გივი თარგამაძის მანქანის აფეთქებას. დადგენილია პირები, მიცემული არიან პასუხისგებაში. ერთ-ერთი მათგანი არის დაკავებული, კიდევ ერთზე გამოცხადებულია ძებნა. მას არ უფიქსირდება საზღვრის კვეთა, შესაბამისად მიმდინარეობს პროცედურები და უახლოეს პერიოდში მასზე ინტერპოლსაც მიეწოდება შესაბამისი ინფორმაცია", - განაცხადა მღებრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ეროვნულ ნაკრებს რამაზ სვანაძე უხელმძღვანელებს

ვილი სანიოლიმ ნაკრების მთავარი მწვრთნელის პოსტი დატოვა

ივანიშვილის რეჟიმმა ქვეყნიდან სომხეთში გააძევა ბელორუსელი ოპოზიციონერი რომელიც თავშესაფარს 5 წელი ელოდა

21 წლის ბიჭს სამტრედიასთან მატარებელი დაეჯახა, იგი ადგილზე გარდაიცვალა