|
2016-09-29 17:09:06, 1411 ნახვა
ეკონომიკა
დიმიტრი ქუმსიშვილმა „ნუტრიმაქსის“ მაღალტექნოლოგიური საწარმო გახსნა
პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა სახელმწიფო პროგრამის „აწარმოე საქართველოში“ ფარგლებში აშენებული მაღალტექნოლოგიური კომბინირებული საკვების დამამზადებელი საწარმოს ოფიციალურ გახსნაში მონაწილეობა მიიღო. ეკონომიკისა და მდგრადი განვითარების სამინისტროს ინფორმაციით, საწარმოს მფლობელია კომპანია „ნუტრიმაქსი“, რომელმაც ასევე მონაწილეობდა აგროკრედიტის სახელმწიფო პროგრამაში. ქარხანა კომპანიამ „ნუტრიმაქსი“ ფონიჭალის ზემო დასახლებაში ააშენა. საერთაშორისო სტანდარტების საწარმოს მშენებლობასა და შესაბამისი ინფრასტრუქტურის მოწყობაში კომპანიამ 5 მილიონი ლარის ინვესტიცია განახორციელა. ამჟამად საწარმოში დაახლოებით 50 ადამიანია დასაქმებული და ყოველწლიურად 50 000 ტონა ცხოველების, ფრინველებისა და თევზის მაღალტექნოლოგიურ კომბინირებულ საკვებს აწარმოებს. პირველი ვიცე-პრემიერის განცხადებით, საწარმოს პროდუქცია საქართველოსა და სომხეთის ბაზარზე უკვე იყიდება. მისი თქმით, „ნუტრიმაქსის“ პროდუქცია ევროსტანდარტებს აკმაყოფილებს და სურვილის შემთხვევაში, მათ ევროპის ბაზარზე შესვლა შეეძლებათ. კომპანია „ნუტრი მაქსი“ პროგრამის „აწარმოე საქართველოში“ ინფრასტრუქტურული მხარდაჭერით სარგებლობს, კერძოდ კი საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ“ კომპანიას ქალაქ თბილისში, ფონიჭალის ზემო დასახლებაში მდებარე 30,394 კვ.მ მიწის ნაკვეთი გადასცა. საწარმოსა და პროდუქციის წარმოების მართვის პროცესში აქტიურ მონაწილეობას ღებულობს მსოფლიოში ცხოველთა და ფრინველთა საკვების მწარმოებელი ლიდერი კომპანია – Trouw Nutrition. აღნიშნული პროდუქციის წარმოების პროცესში Trouw Nutrition-ის მონაწილეობა უზრუნველყოფს ევროპული სტანდარტების დანერგვისა და მომხმარებლისთვის უმაღლესი ხარისხის პროდუქციის შეთავაზების შესაძლებლობას.
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



