12:17 - 17 Nov, 2026
ჩვენ შესახებ რეკლამა/ხელმოწერა
2026-11-17 11:53:51, 249 ნახვა

პოლიტიკა
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!

 მოვითხოვთ, დაიკითხოს კახი კალაძე, პასუხისგებაში მიეცეს ყველა ის პირი, ვისაც შემხებლობა ჰქონდა, მათ შორის სატრანსპორტო კომპანიის მოქმედი ხელმძღვანელი შარკოვი და მისი წინამორბედი მამუკა კობახიძე. - ამის შესახებ, „ნაციონალური მოძრაობის” მმართველობითი საბჭოს წევრი ლაშა ფარულავამ განაცხადა.

იგი გამოეხმაურა  მეტროს ვაგონების მოდერნიზაციის ტენდერიდან 41 105 298 ლარის მართლსაწინააღმდეგოდ დაუფლების საქმეზე 4 პირის დაკავებას.

"მოპარული 41 მილიონი ლარი მეტროდან და სატრანსპორტო კოლაფსი თბილისში! კახი კალაძის მერობის პირობებში თბილისის მეტროს 27 ტენდერში, 2017–2024 წლებში, გამოყოფილი 145 მილიონი ლარიდან 41 მილიონზე მეტის მითვისების საქმეზე ოთხი პირი დააკავეს. ეს პროკურატურის ბრალდების ვერსიაა, მაგრამ მთავარი კითხვები ჯერ კიდევ პასუხგაუცემელია.

ლევან ხაბეიშვილი წლების წინ საუბრობდა გელა ძიძიკაშვილზე, კორუფციასა და ხელოვნურად გაზრდილ ფასებზე. დღეს კი გამოძიება უკვე 41 მილიონ ლარზე საუბრობს! სად იყო კახი კალაძე? სად იყო სატრანსპორტო კომპანიის ხელმძღვანელობა? რატომ არ აღიკვეთა ეს ყველაფერი დროულად? თბილისში სატრანსპორტო კოლაფსია: ახმეტელის მეტროში, რუსთაველზე, თავისუფლებაზე, ავლაბარსა და მარჯანიშვილზე პიკის საათებში მგზავრები მეტროსადგურებში ჩასვლასაც კი ვეღარ ახერხებენ.

ეს 41 მილიონი რომ ქალაქის ინტერესებს მოხმარებოდა და არა კორუფციულ სქემას, შესაძლებელი იქნებოდა მგზავრთა ნაკადების მართვისა და დამატებითი ჩასასვლელ-ამოსასვლელების მოწყობის საკითხის რეალურად დაყენება. მოვითხოვთ, დაიკითხოს კახი კალაძე, პასუხისგებაში მიეცეს ყველა ის პირი, ვისაც შემხებლობა ჰქონდა, მათ შორის სატრანსპორტო კომპანიის მოქმედი ხელმძღვანელი შარკოვი და მისი წინამორბედი მამუკა კობახიძე. 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!" - აცხადებს ლაშა ფარულავა.

საქართველოს პროკურატურამ მეტროს ვაგონების კაპიტალური რემონტისა და მოდერნიზაციის ტენდერებიდან 41 105 298 ლარის მართლსაწინააღმდეგოდ დაუფლების ბრალდებით 4 პირი დააკავა. საქმე ეხება 2017–2024 წლებში შპს „თბილისის სატრანსპორტო კომპანიის“ მიერ გამოცხადებულ 27 ტენდერს, რომელთა საერთო ღირებულება 145 367 365 ლარი იყო.





ავტორი: მარიამ იმერლიშვილი, ექსპრესნიუსის რეპორტიორი 2020 წლიდან


სოციალური ქსელები
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics