სს ლიბერთი ბანკი საერთაშორისო ფონდის “ფენიქს-ლზ”-ის მიერ შემუშავებული პროექტის  „ლურჯი ფრინველი" პარტნიორი გახდა.

პროექტი ითვალისწინებს,  შეზღუდული ფიზიკური შესაძლებლობების მქონე პირთათვის ავტომობილის დამოუკიდებლად მართვის შესასწავლი ცენტრის შექმნას, რაც მსურველებს საშუალებას მისცემს, მაღალკვალიფიციურ პედაგოგებთან გაიარონ თეორიული და პრაქტიკული სწავლება სათანადოდ ადაპტირებული მანქანებით, ჩააბარონ გამოცდები შინაგან საქმეთა სამინისტროში და მიიღონ მართვის მოწმობა.  აღნიშნული, ხელს შეუწყობს  შშმ პირების დასაქმებას, ფსიქოლოგიური ბარიერის მოხსნასა და  საზოგადოებასთან ინტეგრირებას.

ლიბერთი ბანკმა პროექტი კომპიუტერული ტექნიკით და პროგრამული მხარდაჭერით უზრუნველჰყო, რითაც შეიქმნა ავტომობილის მართვის თეორიული სწავლების ინფრასტრუქტურა.

პროექტის ფარგლებში სპეციალურად შერჩეულია სურდოთარჯიმანი, რომელიც მომსახურებას გაუწევს შესაბამის ბენეფიციარებს, როგორც ავტო სკოლაში, ისე შინაგან საქმეთა სამინისტროში შესაბამისი გამოცდების ჩაბარების პერიოდში.

მართვის მოწმობის აღების შემდეგ, შშმ პირებს შესაძლებლობა ექნებათ მიმართონ ფონდს 'ფენიქს-ლზ'-ის ქარხნული წესით დამზადებული და  ადაპტირებული, ნებისმიერი მარკის ავტომობილის შეკვეთაზე.

წლის განმავლობაში, პროექტი მომსახურებას  დაახლოებით 2,000-მდე შშმ პირს გაუწევს.

„ლიბერთი ბანკი მიესალმება და მხარს უჭერს ამ შესანიშნავ პროექტს. მოხარული ვარ, რომ შევძელით ამ პროექტში ჩართვა, რის ფარგლებშიც შეიქმნა შშმ პირებისთვის ავტომობილის მართვის თეორიული სწავლების ინფრასტრუქტურა. მინდა წარმატება ვუსურვო პროექტის ყველა მონაწილეს." - აღნიშნა არმენ მატევოსიანმა, ლიბერთი ბანკის გენერალური დირექტორის მოადგილემ. 

„პროექტის ფარგლებში საქართველოს მასშტაბით დასაქმდება 280 ადამიანი, მათ შორის შშმ პირები. მინდა მადლობა გადავუხადო ლიბერთი ბანკს პროექტის ტექნიკური და პროგრამული უზრუნველყოფით მხარდაჭერისთვის და სამომავლო პარტნიორობისთვის", - აღნიშნა პროექტის მენეჯერმა, მიხეილ მაღლაკელიძემ.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა