|
2016-09-20 15:21:40, 1195 ნახვა
ეკონომიკა
ლევან დავითაშვილი თხილის სექტორის წარმომადგენლებს შეხვდა
საქართველოს სოფლის მეურნეობის მინისტრი ლევან დავითაშვილი საქართველოში თხილის სექტორის განვითარებაში ჩართული ორგანიზაციების წარმომადგენლებს შეხვდა. სოფლის მეურნეობის სამინისტროს ინფორმაციით, შეხვედრაზე საუბარი შეეხო ქართული თხილის ხარისხის გაზრდის მიზნით გასატარებელ ღონისძიებებს. დამსწრე საზოგადოებამ თხილის სექტორის განვითარების პროგრამის პრეზენტაცია მოისმინა. აღნიშნული პროგრამა USAID-ის მიერ დაფინანსებული თხილის სექტორის განვითარების პროგრამის მიერ მომზადდა. პროგრამას CNFA-საქართველო თხილის სექტორში მოღვაწე შესაბამის ასოციაციებთან და ბიზნესოპერატორებთან ერთად ახორციელებს. შეხვედრაზე აღინიშნა, რომ უმნიშვნელოვანესია ქართული თხილის ხარისხის გაზრდისთვის აუცილებელი ღონისძიებების გატარება, რაც მსოფლიო ბაზარზე მოთხოვნის ზრდას შეუწყობს ხელს. სოფლის მეურნეობის მინისტრმა, ლევან დავითაშვილმა დარგის განვითარების ხელშეწყობისთვის სამინისტროს, დონორების, ინვესტორებისა და ასოციაციების ერთობლივი ძალისხმევის მნიშვნელობაზე ისაუბრა. „თხილის სექტორის ხელშეწყობა კომპლექსურ განვითარებას გულისხმობს. სახელმწიფო ყველა მიმართულებით ძალიან ინტენსიურად მუშაობს. ჩვენთვის მნიშვნელოვანია დავეხმაროთ ფერმერებს ცოდნის გაღრმავებაში, ახალი ტექნოლოგიების დანერგვაში. შექმნილია სასოფლო-სამეურნეო ექსტენციის სამსახური, რომელიც კიდევ უფრო მეტად უნდა განვითარდეს, თუმცა, ჩვენ გვაქვს მნიშვნელოვანი პროგრესი. ასევე ძალიან მნიშვნელოვანია დარგში სასოფლო-სამეურნეო კოოპერაცია“, - განაცხადა ლევან დავითაშვილმა. შეხვედრაზე თხილის მოსავლის აღების შემდგომი პროცესების მართვის, თხილის საშრობებისა და შესანახი ინფრასტრუქტურის საკითხები განიხილეს. შეხვედრას სოფლის მეურნეობის მინისტრის მოადგილე დავით გალეგაშვილი, სოფლის მეურნეობის სამინისტროს, სოფლის მეურნეობის პროექტების მართვის სააგენტოს, სასოფლო-სამეურნეო კოოპერატივების განვითარების სააგენტოს, ასევე საერთაშორისო ორგანიზაციების (USAID, FAO) წარმომადგენლები და თხილის სექტორში მომუშავე ბიზნესოპერატორები ესწრებოდნენ.
(NS)
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



