|
2016-09-19 11:26:07, 1366 ნახვა
ეკონომიკა
გალტ & თაგარტი რეგიონულ ობლიგაციებს ინვესტორებისთვის ხელმისაწვდომს ხდის
„გალტ & თაგარტი“ ინვესტორებს რეგიონული სასესხო ინსტრუმენტებით ვაჭრობას უადვილებს. ამ მიზნით, კომპანია ახალ ყოველთვიურ მიმოხილვას აქვეყნებს, რომელიც საქართველოს, სომხეთის, აზერბაიჯანის, ბელორუსიის, ყაზახეთის და უკრაინის ობლიგაციების ბაზრებს მოიცავს. როგორც კომპანიაში აცხადებენ, ეს ექვსი ქვეყანა მზარდი რეგიონის ნაწილია, რომელზეც ამჟამად არასაკმარისი ინფორმაცია მოიპოვება, მსოფლიოში კი განვითარებადი ბაზრების ფასიან ქაღალდებზე ინტერესი ზრდადია. ამ მიმოხილვის მიზანია, რომ ინვესტორებისთვის ხელმისაწვდომი გახდეს სრულფასოვანი ინფორმაცია, როგორც ამ ქვეყნების მაკროეკონომიკურ გარემოზე, ასევე მათ სასესხო ინსტრუმენტებზე. გალტ & თაგარტის საბროკერო მიმართულება კი უზრუნველყოფს წვდომას საჭირო არხებზე, რათა ინვესტორებმა შეძლონ შეუფერხებლად ვაჭრობა სხვადასხვა ინსტრუმენტით. მიმოხილვაში მოცემულია მნიშვნელოვანი საბაზრო მაჩვენებლები როგორც ადგილობრივ, ასევე საზღვარგარეთის საფონდო ბირჟებზე განთავსებულ ობლიგაციებზე. აგრეთვე, მოცემულია ზემოხსენებული ქვეყნების ისეთი მნიშვნელოვანი პარამეტრები, როგორიცაა სუვერენული რეიტინგი, მონეტარული პოლიტიკის განაკვეთი, ეკონომიკური ზრდა, ფისკალური და მიმდინარე ანგარიშის ბალანსები. „ეს არის მნიშვნელოვანი სტრატეგიული ნაბიჯი გალტ & თაგარტის შემდგომ განვითარებაში, რომელიც ითვალისწინებს ჩვენი დაფარვის არეალის გაფართოებას რეგიონის მნიშვნელოვან ქვეყნებზე. ამ ნაბიჯით ჩვენ ვაძლევთ ინვესტორებს შესაძლებლობას, რომ რეგიონულ ჭრილში დაინახონ საინვესტიციო ინსტრუმენტების ბაზარი და თავისი რისკიანობის და მომგებიანობის მოთხოვნების შესაბამისად დააბანდონ ფულადი სახსრები“, - განაცხადა გალტ & თაგარტის სამეთვალყურეო საბჭოს თავმჯდომარე, არჩილ გაჩეჩილაძემ. რეგიონული ობლიგაციების ბაზრის მიმოხილვა შეგიძლიათ იხილოთ ვებგვერდზე: www.gtresearch.ge.
(NS)
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



