2016-08-25 11:52:46, 824 ნახვა
საზოგადოება
27 782 აბიტურიენტი სტუდენტი გახდა
ერთიანი ეროვნული გამოცდების საბოლოო მონაცემებით, 2016 წელს 27 782 აბიტურიენტი სტუდენტი გახდა.
გამოცდების ეროვნული ცენტრის ინფორმაციით, ეს მაჩვენებელი გამოცდაზე გამოცხადებულ აბიტურიენტთა 74%-ზე მეტს შეადგენს.
სრული ან ნაწილობრივი სახელმწიფო გრანტი 6500-ზე მეტმა აბიტურიენტმა მიიღო, ხოლო 4000-მდე პირველკურსელი იმ საგანმანათლებლო პროგრამებზე ჩაირიცხა, სადაც სწავლას სახელწიფო სრულად აფინანსებს.
ცნობისთვის, აბიტურიენტები შედეგების ნახვას 12:00 საათიდან შეძლებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
