გლდანის რაიონის გამგებელი დიმიტრი ორმოცაძე, მაჟორიტარ დეპუტატ ბორია ფირცხელიანთან ერთად ავჭალაში, წყალსადენის ქუჩაზე მიმდინარე სამუშაოებს გაეცნო და მოსახლეობას შეხვდა. 

მერიის ინფორმაციით, სამუშაოების ფარგლებში, წყალსადენის ქუჩაზე 2800 კვ.მ ფართობზე გზის საფარი იგება და 1200 მ. სიგრძეზე ბორდიურები ეწყობა. სამუშაოები უახლოეს დღეებში დასრულდება. მისი ღირებულება 165 000 ლარია.

გარდა ამისა, დაგეგმილია წყალსადენის ქუჩაზე მდებარე ყოფილი სასტუმრო ,,ბახტრიონის’’ შენობაში შიდა წყალ-კანალიზაციის სისტემის სარეაბილიტაციო სამუშაოების დაწყებაც. კორპუსში ამჟამად დევნილები ცხოვრობენ. ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, განსახორციელებელი სამუშაოებისთვის გლდანის რაიონის გამგეობა, დაახლოებით, 47 000 ლარს გამოყოფს.

წყალსადენის ქუჩაზე, გასულ წელს, თანამედროვე ტიპის ხელოვნურსაფარიანი სპორტული მოედანიც მოეწყო. მიმდინარე სამუშაოების დასრულების შემდეგ კი დაგეგმილია ობიექტზე გარე განათების 14 ბოძის დამონტაჟებაც.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები