|
2016-08-11 17:36:42, 1313 ნახვა
ეკონომიკა
ნოემბერში თბილისი კიდევ ერთ მაღალი დონის ღონისძიებას უმასპინძლებს
ეკონომიკური თანამშრომლობისა და განვითარების ორგანიზაციის (OECD) გამჭვირვალობისა და ინფორმაციის გაცვლის გლობალური ფორუმის ყოველწლიური პლენარული სესია თბილისში მიმდინარე წლის 1-3 ნოემბერს გაიმართება. ფინანსთა სამინისტროს პრესსამსახურის ინფორმაციით, შეხვედრის მაღალ დონეზე ჩატარების მიზნით, საქართველოს მთავრობის განკარგულებით, შექმნილია სამთავრობო კომისია, რომელსაც საქართველოს ფინანსთა მინისტრი ნოდარ ხადური ხელმძღვანელობს, საორგანიზაციო საკითხებზე პასუხისმგებელი უწყება კი, ფინანსთა სამინისტროა. აღნიშნული სამთავრობო კომისიის პირველი სხდომა, დღეს, 11 აგვისტოს ფინანსთა სამინისტროში გაიმართა. შეხვედრას ესწრებოდნენ კომისიის წევრი სახელმწიფო უწყებების, აგრეთვე ფინანსთა სამინისტროს შესაბამისი სტრუქტურული ერთეულების წარმომადგენლები. შეხვედრაზე ფორუმის მოსამზადებელ საორგანიზაციო საკითხებზე დეტალურად იმსჯელეს და უწყებებმა, კომპეტენციებიდან გამომდინარე, შესაბამისი დავალებები მიიღეს. ფორუმის ორგანიზების საკითხებში აქტიურად არის ჩართული გლობალური ფორუმის სამდივნოც, რომლის ხელმძღვანელიც, მოსამზადებელი სამუშაოების ადგილზე გაცნობის მიზნით, თბილისს 2016 წლის აგვისტოს ბოლოს ეწვევა. ნოემბერში, თბილისში, გლობალური ფორუმის პლენარულ სესიაში, რომელიც მაღალი დონის პოლიტიკური შეხვედრაა, მონაწილეობას მიიღებს გლობალური ფორუმის წევრი სახელმწიფოს სამასამდე დელეგატი და ათი საერთაშორისო ორგანიზაციის წარმომადგენელი. ეკონომიკური თანამშრომლობისა და განვითარების ორგანიზაციის გამჭვირვალობისა და ინფორმაციის გაცვლის გლობალური ფორუმის ყოველწლიურ პლენარულ სესიას გასულ წელს ბარბადოსმა უმასპინძლა, სხვადასხვა დროს კი, ფორუმი გაიმართა ისეთ ქალაქებში, როგორებიც არის იოჰანესბურგი, პარიზი, მეხიკო, ბერლინი, ჯაკარტა.
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
ბრაზილიური სილამაზის ბრენდი Sol de Janeiro-ს სრული ასორტიმენტი უკვე ოფიციალურად PSP-შია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



