|
2016-08-11 10:59:51, 1261 ნახვა
ეკონომიკა
საქართველოს მთავრობის წარმომადგენლებმა ბაკურიანის ახალი ტურისტული ინფრასტრუქტურა დაათვალიერეს
საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, საქართველოს პრემიერ მინისტრთან, გიორგი კვირიკაშვილთან ერთად ბაკურიანში იმყოფებოდა, სადაც დიდველზე დამონტაჟებული ამიერკავკასიაში პირველი ატრაქციონი „ტობოგანი“ და მიტარბის მშენებარე ტურისტული ინფრასტრუქტურა დაათვალიერეს. ეკონომიკისა და მდგრადი განვითარების სამინისტროს ინფორმაციით, მთავრობის წევრებთან ერთად კურორტზე ეკონომიკის სამინისტროს „მთის განვითარების კომპანიის ხელმძღვანელი“ ალექსანდრე ონოფრიშვილი და ბიზნესმენები იმყოფებოდნენ. მათივე ინფორმაციით, სამთო-სათხილამურო კურორტების ერთ-ერთი ყველაზე პოპულარული ატრაქციონის, ტობოგანის ანუ მთის ციგის მშენებლობა სლოვაკურმა კომპანია „Tatralift”-მა განახორციელა. პროექტი 2015 წლის ოქტომბრის დასაწყისში დაიწყო და 2016 წლის 16 ივლისს დასრულდა. ტრასის სიგრძე 960 მეტრია, საერთო სიგრძე სტარტზე დაბრუნებისას - 1360 მეტრი, ტრასის დახრილობა კი 28%-ია. ტობოგანის მშენებლობა სახელმწიფოს დაფინანსებით განხორციელდა, რომლის ღირებულებაც 3 000 000 ლარია. 2016 წლის ივლისში დაიწყო მიტარბის ტურისტული ინფრასტრუქტურის მშენებლობა. კერძო და საზოგადოებრივი სექტორის თანამშრომლობით პროექტი გულისხმობს ბაკურიანი-მიტარბის ტერიტორიაზე ოთხსეზონიანი სამთო კურორტის მშენებლობას და განვითარებას. პროექტის განხორციელების ვადები რამდენიმე ფაზად არის დაყოფილი: პირველ ნაწილში – 2017 წლამდე მოხდება „კოხტა გორის“ მიმდებარე ტერიტორიის განვითარება, სადაც განთავსდება 2000 საწოლზე გათვლილი ტურისტული ინფრასტრუქტურა – ოთხვარსკვლავიანი სასტუმრო, აპარტოტელები, შალეები და გასართობი ობიექტები. მიტარბის ტერიტორიაზე დამონტაჟდება ორი საბაგირო და ერთი საჩოჩიალო. მშენებლობა 2016 წლის ბოლოს დასრულდება. დაბა მიტარბში ასევე დამონტაჟდება მსოფლიოში ერთ-ერთ წამყვანი მწარმოებლის -„დოპელმაიერის" საბაგირო. პროექტის მეორე ეტაპზე მომზადდება მიტარბის დასახლების განვითარების გენერალური გეგმა, რაც კურორტის 10-15 წლიანი განვითარების დეტალურ კონცეფციას განსაზღვრავს. გეგმის მომზადებაში წამყვანი საერთაშორისო კომპანიები მიიღებენ მონაწილეობას. პროცესი მიმდინარე წლის ბოლომდე დასრულდება. კურორტზე ინფრასტრუქტურული პროექტი ხორციელდება სახელმწიფოსა და კერძო სექტორის პარტნიორობით,რაც ერთ-ერთი მსხვილი ინვესტიცია იქნება სამთო ტურიზმის აღორძინების კუთხით. (NS)
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
ბრაზილიური სილამაზის ბრენდი Sol de Janeiro-ს სრული ასორტიმენტი უკვე ოფიციალურად PSP-შია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



