NDI-ის კვლევის შედეგებზე ადეკვატური კომენტარი რომ გავაკეთო, ასეთ შემთხვევაში უნდა ვიყო კაცი და სასურველია, კახელი, - ამის შესახებ „დემოკრატიული მოძრაობის“ ლიდერმა, ნინო ბურჯანაძემ დღეს გამართულ პრესკონფერენციაზე განაცხადა.

როგორც ბურჯანაძემ აღნიშნა, დღევანდელი კვლევის შედეგები ისეთ კომენტარს იმსახურებენ, რომელსაც ის ვერ გააკეთებს. 

„პირველად დამწყდა გული, რომ არ ვარ კაცი და ისიც კახელი. რაც შეეხება სხვა შეფასებას - როგორც ჩანს, ძალიან გულზე მოხვდათ საქართველოს უბლოკო სტატუსი, რაც არის საქართველოს რეალური გამთლიანების და ეკონომიკური წარმატების რეალური საფუძველი. ერთი რამ ფაქტია - ორი დღის წინ იყო გამოქვეყნებული საკმაოდ სერიოზული მონაცემები, რაოდენობა იმ ადამიანებისა, ვისაც უნდა რუსეთთან ურთიერთობის დალაგება. ზოგს მეტად, ზოგს ნაკლებად, ზოგს საერთოდ რუსეთთან უნდა მჭიდრო ურთიერთობა და ამ ფონზე ის განცხადებები, რაც.გაკეთდა, ის ციფრები, რაც დღეს გავრცელდა, როგორც მოგახსენებთ იმსახურებს იმ კომენტარს, რომელსაც მე ვერ გავაკეთებ“,-აღნიშნა ნინო ბურჯანაძემ.

ამასთან, მისივე თქმით, თავისთავად ის ფაქტი, რომ 57% არ აქვს გადაწყვეტილი, ვის მისცემს ხმას, ძალიან დიდი პროცენტია.

„აბსოლუტურად ვარ დარწმუნებული, რომ ამ 57%-ში ძალიან ბევრია ჩვენი ამომრჩეველი. გარდა ამისა, ჩვენ ძალიან ინტენსიური კამპანია დაწყებული არ გვაქვს. ერთი რამეც უნდა ითქვას - სამწუხაროდ, ჩვენ არ ვშუქდებით ისეთი ინტენსიურობით ტელევიზიების მხრიდან, პრაქტიკულად ჩვენთვის დახურულია მნიშვნელოვანი თოქ-შოუები, ეს გარკვეულწილად გვიშლის ხელს, მაგრამ ამას  ყველაფერს გადავლახავთ მოსახლეობასთან პირდაპირი შეხვედრებით, აქტიურობით“, - განაცხადა ნინო ბურჯანაძემ.    

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები