„გუშინდელ შეკრებას და არცერთ შეხვედარს ჩემი მონაწილეობით, არანაირი კავშირი სამთავრობო ცვლილებებთან არ ჰქონია“, - ამის შესახებ განათლებისა და მეცნიერების მინისტრმა ალექსანდრე ჯეჯელავამ მთავრობის სხდომის დასრულების შემდეგ ჟურნალისტებს განუცხადა. 

მისივე თქმით, სამუსაო შეხვედრა ძალიან მრავალფეროვანი იყო. 

„გუშინდელ შეკრებას და არცერთ შეხვედარს ჩემი მონაწილეობით არანაირი კავშირი სამთავრობო ცვლილებებთან არ ჰქონია, სამთავრობო ცვლილებების საკითხი არ განხილულა ჩემი მონაწილეობით და შესაბამისად ამ საკითხზე ვერაფერს გეტყვით. მიმდინარე სამუშაო შეხვედრა იყო, ძალიან მრავალფეროვანი. ჩემს შემთხვევაში საკითხები ჩემს სისტემას ეხებოდა, სხვის შემთხვევაში, მის სისტემას. ანუ როგორც გაშუქდა რომ სპეციალური შეკრება, ასე არ ყოფილა. პირადად მე კვირაში ორჯერ საღამო ხანს პრემიერთან კონსულტაციის მიზნით სხვადასხვა საკითხებზე მიწევს აქ მოსვლა და უბრალოდ ამ შემთხვევაში მგონია, რომ დაემთხვა და ამიტომ დატოვა ასეთი შთაბეჭდილება“,-განაცხადა ჯეჯელავამ.

ცნობისთვის, გუშინ მთავრობის ადმინისტრაციაში მინისტრთა კაბინეტის წევრების პრემიერ-მინისტრ გიორგი კვირიკაშვილთან შეხვედრა გაიმართა. შეხვედრაზე შინაგან საქმეთა, იუსტიციის, საგარეო საქმეთა, განათლებისა და კულტურის მინისტრები იმყოფებოდნენ. ასევე სახელმწიფო უსაფრთხოების სამსახურის უფროსი ვახტანგ გომელაური. პრემიერთან შეხვედრის შემდეგ მათ ჟურნალისტებთან კომენტარი არ გაუკეთებიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები