უხერხულია შენს განცხადებაზე მოსამართლეებს პორკურატურაში დაარბენინებდე და თავად არ მიდიოდე, - ასე ეხმაურება პარლამენტის ვიცე-სპიკერი მანანა კობახიძე საკონსტიტუციო სასამართლოს თავმჯდომარის, გიორგი პაპუაშვილის პროკურატურაში არ გამოცხადებას.

 „მინიმუმ, უხერხულია შენს კოლეგა მოსამართლეებს პროკურატურაში "დაარბენინებდე" შენივე განცხადების საფუძველზე და თავად არ მიდიოდე! ეს "დახუჭობანა" თუ "დამალობანას" თამაში აღარ უნდა დაამთავროს პაპუაშვილმა?!“, - წერს კობახიძე Facebook-ის საკუთარ გვერდზე.

ცნობისთვის, საკონსტიტუცი სასამართლოს თავმჯდომარე მის მიერ გაკეთებულ განცხადებებთან დაკავშირებით, დღეს პროკურატურაში 13:00 საათზე იყო დაბარებული. თუმცა, მანამდე პაპუაშვილმა აღნიშნა, რომ სანამ პრემიერ-მინისტრს არ შეხვდება, საგამოძიებო უწყებაში არ მივა.

შეგახსენებთ, რამდენიმე დღის წინ გიორგი პაპუაშვილმა განაცხადა, რომ საკონსტიტუციო სასამართლოს მოსამართლეებზე მიზანმიმართული ზეწოლა მიმდინარეობს.

აღნიშნულთან დაკავშირებით, მთავარი პროკურატურის საგამოძიებო ნაწილში დაიწყო გამოძიება საკონსტიტუციო სასამართლოში  სამართალწარმოების განხორციელებაზე ზეგავლენის მიზნით სასამართლოს საქმიანობაში ამა თუ იმ ფორმით უხეში ჩარევის, ასევე  პირადი ცხოვრების საიდუმლოს უკანონოდ მოპოვების და  გამოყენების შესაძლო ფაქტებზე საქართველოს სისხლის სამართლის კოდექსის 364-ე მუხლის II ნაწილითა და 1571   მუხლის I ნაწილით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები