საქართველოს პრეზიდენტმა გიორგი მარგველაშვილმა დღეს უნგრეთის საგარეო საქმეთა და ვაჭრობის მინისტრი პიტერ სიიარტო მიიღო, რომელიც თბილისს საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეკრების - "ამბასადორიალი 2016" ფარგლებში ეწვია.

ამის შესახებ „ექსპრესნიუსს“  პრეზიდენტის ადმინისტრაციის პრესსამსახურიდან აცნობეს.

როგორც შეხვედრაზე აღინიშნა, უნგრეთი საქართველოსთვის უაღრესად მნიშვნელოვანი პარტნიორია, როგორც ორმხრივი ურთიერთობების განვითარები,ასევე, მრავალმხრივი ურთიერთობის გაღრმავების თვალსაზრისით.

„უნგრეთთან ორმხრივი ურთიერთობების განვითარება ჩვენი თანამშრომლობის მრავალასპექტს მოიცავს - დაწყებული ორმხრივი ვიზიტების დინამიკით, პოლიტიკურ, ეკონომიკურ და ჰუმანიტარულ სფეროში ურთიერთობების გაძლიერებით, თავდაცვის სფეროში თანამშრომლობით.

ასევე ძალიან მნიშვნელოვანია უნგრეთთან თანამშრომლობა, როგორც ვიშეგრადის ჯგუფის ფორმატში, ასევე ევროკავშირისა და NATO-ს ფორმატში", - აღნიშნა საქართველოს პრეზიდენტის საერთაშორისო ურთიერთობათა მდივანმა თენგო ფხალაძემ შეხვედრის დასრულების შემდეგ.

პრეზიდენტისა და უნგრეთის საგარეო საქმეთა და ვაჭრობის მინისტრის შეხვედრაზე ასევე განიხილეს,  ვარშავის სამიტის შედეგები, ევროპული და ევროატლანტიკური ინტეგრაციის პროცესი და კონკრეტული ნაბიჯები, რომელსაც საქართველო ამ პროცესში დგამს.

თენგიზ ფხალაძის განცხადებით, საუბარი შეეხო საქართველოში წინასაარჩევნო გარემოს და გამოითქვა რწმენა, რომ მომავალი არჩევნები  უმაღლესი ევროპული სტანდარტების მიხედვით ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები