პრეზიდენტი მე კი არ უნდა მეწუწუნებოდეს, ის ზომებს უნდა იღებდეს ყველა იმ თანამდებობის პირის მიმართ, ვინც პასუხისმგებელია მისი ოჯახის წევრის ზეწოლის ფაქტზე, - ამის შესახებ „თამაზ მეჭიაური - ერთიანი საქართველოსთვის" ლიდერმა, თამაზ მეჭიაურმა "ექსპრესნიუსს" განუცხადა.

როგორც მეჭიაურმა აღნიშნა, ის ნებისმიერი ზეწოლის ფაქტს გმობს, მაგრამ პრეზიდენტის მხრიდან მსგავსი განცხადება ლოგიკურად არ მიაჩნია.

"მას გააჩნია უამრავი ბერკეტი და შესაბამისი ზომები უნდა მიიღოს. თუ პრეზიდენტი ვერ ახერხებს საკუთარი ოჯახის წევრების დაცვას ამხელა ბერკეტების პირობებში, როგორ მოახერხებს სხვის დაცვას", - განაცხადა მეჭიაურმა.

მისივე განმარტებით, ამ ფაქტის გამოძიება უმოკლეს დროში უნდა ჩატარდეს.

"დადასტურების შემთხვევაში, რა თქმა უნდა ამ პიროვნებების დასჯა უნდა მოხდეს. თუ ეს არის უბრალოდ პოლიტიკური განცხადება და მიმართულია ხელისუფლების დისკრედიტაციისკენ, პრეზიდენტის ასეთ ქმედებასაც უნდა მიეცეს შესაბამისი შეფასება", - განაცხადა თამაზ მეჭიაურმა.

შეგახსენებთ, რომ პრეზიდენტის განცხადებით, მისი ოჯახის წევრის სახლში სამართალდამცველებმა ყოველგვარი სასამართლოს დადგენილების გარეშე ჩხრეკა ჩაატარეს, რაც ზეწოლის მცდელობაზე მიანიშნებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა