სირიის ქალაქებში ჯაბლასა და ტარტუსში განხორციელებულ აფეთქებებს ბოლო მონაცემებით, 100-ზე მეტი ადამიანის სიცოცხლე ემსხვერპლა, - ამის შესახებ BBC იუწყება.

როგორც მედია საშუალება წერს, თავდასხმების სერიაზე პასუხისმგებლობა “ისლამურმა სახელმწიფომ” აიღო.

სირიის ადამიანის უფლებათა მონიტორინგის ცენტრის ინფორმაციით, ხუთი აფეთქება თვითმკვლელმა ტერორისტმა განახორციელა, ასევე ორი დანაღმული ავტომობილი აფეთქდა. თავდასხმის სამიზნე ავტობუსის ხალხმარავალი გაჩერებები, ასევე საავადმყოფოები გახდა.

ცნობისთვის, ჯაბლა და ტარტუსი სირიის ლატაკიას პროვინციაში, სამთავრობო ჯარების მიერ კონტროლირებად რაიონებში მდებარეობს. აღსანიშნვია, რომ ამ ქალაქებში მსგავსი მასშტაბის თავდასხმები იშვიათად ხდება.

ტარტუსში ჯერ კიდევ საბჭოთა პერიოდიდან რუსული სამხედრო-საზღვაო ბაზაა განთავსებული. ჯაბლადან რამდენიმე კილომეტრში მდებარე აეროდომზე კი გასულ წელს რუსეთმა ხმეიმის ბაზა მოაწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა