რეგიონული სასწრაფო დახმარების ცენტრის ავტოპარკს  20 ახალი მანქანა  შეემატა.

რაიონული სამსახურებისთვის  გადაცემამდე, ჯანდაცვის სამინისტროს სასწავლო ცენტრში განთავსებული ავტომობილები პირადად დაათვალიერა საქართველოს შრომის, ჯანმრთელობისა  და სოციალური დაცვის მინისტრმა დავით სერგეენკომ.

როგორც ჯანდაცვის მინისტრმა დავით სერგეენკომ აღნიშნა, 20 ახალი მანქანა დღესვე  განაწილდება ყველა რეგიონში.

„დღეს უკვე დასრულდა პროცესი, შესაბამისად, რაიონულ სამსახურებს გადაეცემა 20 სპეციალურად აღჭურვილი მანქანა.  შეირჩა ისეთი რაიონები, სადაც ყველაზე მეტად გამოიკვეთა ამ პერიოდის განმავლობაში პრიორიტეტები. ხაზგასასმელია, რომ ამ  მანქანების შესაძენად ბიუჯეტიდან ჯამში 1 700 000 ლარი გამოიყო.  ჩვენ  ეს შევძელით შარშან  ადმინისტრაციულ და შესყიდვებში დაზოგილი თანხებით“,-განაცხადა სერგეენკომ.

20 მაღალი გამავლობის სპეც-მანქანა თელავის, გურჯაანის, მცხეთის, წალკის, თეთრიწყაროს, გარდაბნის, კოდის, კასპის, ქარელის, ნინოწმინდის, ცაგერის, ონის, ხარაგაულის, ზესტაფონის, ტყიბულის, აბროლაურის, ლანჩხუთის, ოზურგეთის, ქობულეთისა და მარტვილის რაიონულ სამსახურებს გადაეცემა.

ცნობისთვის, რეგიონული სასწრაფო სამედიცინო დახმარების ავტოპარკი 100 მაღალი და 80 საშუალო გამავლობის ავტომობილით 2014 წელს განახლდა. 20 ახალი სპეც-მანქანის დამატების  შედეგად, ცენტრის ავტოპარკი 200 ავტომობილით განახლდება.

ფოტო რეპორტაჟი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო