აღდგომის დღესასწაულთან დაკავშირებით, ტექნიკური უნივერსიტეტის თანამშრომელთა ნაწილმა შიმშილობა დროებით შეწყვიტა

2016-04-24 12:03:14, 548 ნახვა

საზოგადოება

საქართველოს ტექნიკური უნივერსიტეტის სამმა თანამშრომელმა შიმშილობა დროებით შეწყვიტა.

როგორც ამბობენ, შიმშილობას აღდგომის დღესასწაულის შემდეგ გააგრძელებენ. კიდევ ერთი მოშიმშილე ფირანი კობიაშვილი კოლეგების გადაწყვეტილებას არ უერთდება და შიმშილობას არ წყვეტს. არჩილ ფრანგიშვილის გადადგომის მოთხოვნით სულ 5 ადამიანი შიმშილობდა. მათგან ერთი გუშინ ჯანმრთელობის მდგომარეობის გაუარესების გამო საავადმყოფოში გადაიყვანეს.

შეგახსენებთ, თბილისის სახელმწიფო უნივერსიტეტის შემდეგ რექტორის გადადგომის მოთხოვნით აქციები ტექნიკურ უნივერსიტეტში დაიწყო. პროფესორებმა შიმშილობის გადაწყვეტილება მიიღეს. ისინი არჩილ ფრანგიშვილის გადადგომას ითხოვენ. როგორც პროფესორები აცხადებენ, აკადემიურმა საბჭომ, ფრანგიშვილი მესამე ვადით უკანონოდ აირჩია და მას განათლების მინისტრი მფარველობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან