საბურთალოს რაიონის გამგებელი ბექა მიქაუტაძე და კეთილმოწყობის საქალაქო სამსახურის უფროს გივი კუბლაშვილი დღეს ასათიანისა და ზაქარიაძის ქუჩებზე მიმდინარე ინფრასტრუქტურულ სამუშაოებს გაეცნენ და ადგილობრივ მოსახლეობას შეხვდნენ.

როგორც "ექსპრესნიუსს" თბილისის მერიიდან აცნობეს, ამ ქუჩებზე გამგეობა და კეთილმოწყობის სამსახური პარალელურ რეჟიმში მუშაობენ. ზაქარიაძის N3-ში მდებარე კორპუსს გამაგრების სამუშაოები უტარდება. პროექტს კეთილმოწყობის სამსახური ახორციელებს და მისი ღირებულება 1 მილიონ ლარს აღწევს. გივი კუბლაშვილის განცხადებით, ავარიული შენობების გამაგრებისათვის ბოლო ორი წლის ბიუჯეტი თითქმის 10-ჯერ აღემატება წინა წლების მაჩვენებელს.

„წლევანდელი ბიუჯეტით გათვალიწინებულია და უკვე მაგრდება 45 კორპუსი. ბოლო ორი წლის განმავლობაში 45 მილიონი ლარის არის დახარჯული ავარიული კორპუსების გამაგრებაზე“, - განაცხადა გივი კუბლაშვილმა.

რაც შეეხება ასათიანის ქუჩას, აქ საბურთალოს რაიონის გამგეობამ სანიაღვრე სისტემა მოაწყო. სამუშაო პროცესში გამოვლინდა მიზეზი, რაც აღნიშნულ ქუჩაზე გზის დეფორმაციას იწვევდა. სანიაღვრე არხის გათხრისას სპეციალისტებმა აღმოაჩინეს, რომ 2 მეტრის სიღრმეზე სასმელი და გრუნტის წყლების ნაკადები ჩაედინებოდა, რაც გზას გრუნტს აცლიდა და მის დეფორმაციას იწვევდა.

ადგილობრივი მოსახლეობის თქმით, გამგეობისა და ქალაქის მერიის ყურადღება მათი უბნისათვის უპრეცედენტოა, რადგან მოთხოვნების უმეტესობა, რაც ამ ტერიტორიაზე არსებულ კორპუსების მცხოვრებლებს ჰქონდათ, გათვალისწინებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა