იუსტიციის სამინისტროს ეროვნული არქივის საგანმანათლებლო პროექტ-ვიქტორინის მონაწილე სკოლების გუნდები რვა ქვეჯგუფში დღეს კენჭისყრით გადანაწილდა.

ეროვნული არქივის ინფორმაციით, პროექტ-ვიქტორინაში  „საქართველოს პირველი დემოკრატიული რესპუბლიკა" თბილისის, რუსთავისა და მცხეთის რაიონის  32 სკოლაა ჩართული. პირველ ეტაპზე, მიმდინარე წლის მარტში, ეროვნული არქივის თანამშრომლებმა 1918-1921 წლების ისტორიის შესახებ პრეზენტაცია ყველა სკოლაში ჩაატარეს.  სკოლებს გადაეცა ის ლიტერატურა, რომლის საფუძველზეც ვიქტორინისათვის კითხვები მომზადდება.

ამის შემდეგ თითოეულმა სკოლამ ვიქტორინაში მონაწილეობისათვის ჩამოაყალიბა VIII-XI კლასის მოსწავლეებისაგან შემდგარი 5-კაციანი გუნდი.

ვიქტორინა მაისის მეორე ნახევარში გაიმართება, რასაც შეაფასებს სპეციალური ჟიური. გამარჯვებულები გამოვლინდებიან ორ ნომინაციაში: „საუკეთესო გუნდი" და  „საუკეთესო მოთამაშე" და  დაჯილდოვდებიან სხვადასხვა პრიზითა და სიგელით.

საგანმანათლებლო პროექტ - ვიქტორინას - „საქართველოს პირველი დემოკრატიული რესპუბლიკა" - 2015 წელს ჩაეყარა საფუძველი.

ეროვნული არქივი მდიდარია პირველი რესპუბლიკის ისტორიის ამსახველი როგორც წერილობითი, ისე ფოტო და კინოდოკუმენტებით. საგანმანათლებლო პროექტი მოსწავლეთა პირველი დემოკრატიული რესპუბლიკის ისტორიით  დაინტერესებას ემსახურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა