თბილისის მერი დავით ნარმანია ოფიციალური ვიზიტით სტამბოლში იმყოფება, სადაც ქალაქ სტამბოლის მეტროპოლიის მუნიციპალიტეტის მთავრობის წევრებს ხვდება და სამსახურების მუშაობას ეცნობა. 

თბილისის მერიის ინფორმაციით, დავით ნარმანიამ შეხვედრები გამართა ქალაქ სტამბოლის ურბანული დაგეგმარებისა დ განვითარების, სატრანსპორტო მართვის, სერვისებისა და საინვესტიციო, კულტურული მემკვიდრეობისა და ძეგლთა დაცვის დეპარტამენტების ხელმძღვანელობებთან. 
მათივე ინფორმაციით, მასევე, ადგილზე გაეცნო სტამბოლის ნარჩენების მართვის სისტემას. გამოცდილების გაზიარების მიზნით, სამსახურების წარმომადგენლებმა, თავის მხრივ, პრეზენტაციები გამართეს და თბილისის მერს თურქეთის უდიდესი ქალაქის საკვანძო სამსახურების მუშაობის პრინციპების შესახებ ინფორმაცია მიაწოდეს. ისაუბრეს დანერგილი პრაქტიკისა და განხორციელებული ინოვაციური პროექტების შესახებ. 

განსაკუთრებული აქცენტები გაკეთდა სტამბოლის არქიტექტურასა და ურბანულ დაგეგმარებაზე, ასევე, სატრანსპორტო სისტემასა და მოძრაობის კოორდინაციის მართვაზე. დავით ნარმანიას განცხადებით, თბილისში ამ კუთხით არსებული გამოწვევების დაძლევის მიზნით, სტამბოლის, როგორც თურქეთის უდიდესი ქალაქის გამოცდილება განსაკუთრებით საინტერესოა. 

თბილისის მერის ვიზიტი სტამბოლში დღეს დასრულდება.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა