საზოგადოებრივ ცენტრებში სახელმწიფო სერვისების განვითარების სააგენტოს ინიციატივით და იუსტიციის სასწავლო ცენტრის ორგანიზებით სამართლებრივ საკითხებზე ტრენინგები გრძელდება.

ამჯერად დაბა ჩაქვის საზოგადოებრივ ცენტრში ტრენინგი „კონსტიტუციურ ორგანოთა სისტემა“ ჩატარდა.

ჩაქვის საზოგადოებრივ ცენტრში ტრენინგები 13 აპრილს დაიწყო და 25 აპრილს დასრულდება.

სწავლება 5 სვადასხვა თემას შეეხება: სამართალი და ადამიანის უფლებები; კონსტიტუციურ ორგანოთა სისტემა; რა არის ევროკავშირი?; დისკრიმინაცია; საკუთრების უფლება, სამეწარმეო და საგადასახადო სამართლის საბაზისო ცნებები.

ტრენინგები განკუთვნილია ადგილობრივი ახალგაზრდებისთვის და ემსახურება სამართლებრივი ცნობიერების ამაღლებას. ნებისმიერ დაინტერსებულ პირს აქვს შესაძლებლობა საზოგადოებრივ ცენტრში შეავსოს სარეგისტრაციო განცხადება და ადგილზევე გაიაროს უფასო ტრენინგი. ყოველი ტრენინგის ბოლოს მონაწილეებს გადაეცემათ სერტიფიკატები. ტრენინგებს ატარებენ ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის მაგისტრანტი სტუდენტები „იუსტიციის სასწავლო ცენტრის კლინიკის“ ფარგლებში.

საზოგადოებრივი ცენტრების მიზანი მოსახლეობისათვის ხარისხიანი მომსახურების მიწოდება და ადგილობრივი ინფრასტრუქტურის გაუმჯობესება, ასევე ადგილობრივი მოსახლეობის სამოქალაქო ჩართულობის სტიმულირებაა. საზოგადოებრივი ცენტრის კონცეფცია სახელმწიფო სერვისების განვითარების სააგენტოს პროექტის „ელექტრონული მმართველობის დანერგვა ადგილობრივ თვითმმართველობებში“ ფარგლებში შეიქმნა, რომელიც ევროკავშირის ფინანსური მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა