იუსტიციის მინისტრმა თეა წულუკიანმა პროექტი „50 საჯარო მოხელის“ მონაწილეებს დიპლომები გადასცა.

მინისტრი ღონისძიებაზე სიტყვით გამოვიდა, ახალგაზრდებს კურსის დასრულება მიულოცა და წარმატებები უსურვა.

სამინისტროს ინფორმაციით, დიპლომები პროექტში მონაწილე წარმატებულ სტუდენტებს გადაეცათ. კურსი მაღალი მაჩვენებლებით 50-დან 37-მა ახალგაზრდამ დაასრულა. პირველ ჯერზე ისინი  იუსტიციის სამინისტროს სისტემაში 4-თვიან სტაჟირებას გაივლიან, სტაჟირების დასრულების შემდეგ კი გამოვლინდება 5 საუკეთესო მონაწილე, რომლებიც ერთთვიან სასწავლო კურსზე გაემგზავრებიან დიდ ბრიტანეთში, ბორმუთის საერთაშორისო ბიზნესსკოლაში. სწავლება სრულად ფინანდება იუსტიციის სასწავლო ცენტრის მიერ.

ღონისძიება მთაწმინდის პარკში გაიმართა და მას მინისტრთან ერთად პროექტში ჩართული ახალგაზრდები, ტრენერები და მოწვეული სტუმრები ესწრებოდნენ. მოეწყო  პროექტის ფარგლებში გამოცემული წიგნის პრეზენტაციაც.

საქართველოს იუსტიციის სასწავლო ცენტრის პროექტი „50 საჯარო მოხელე“ 2015 წლის სექტემბერში დაიწყო. პროექტი ემსახურება ახალგაზრდების პროფესიული და პიროვნული განვითარების ხელშეწყობას, საჯარო სამსახურის მუშაობის პრინციპების გაცნობას, დემოკრატიული ფასეულობების ჩამოყალიბებას, საჯარო სამსახურის სისტემაში  თვითდამკვიდრებისთვის  საჭირო თეორიული და პრაქტიკული ცოდნის მიღების შესაძლებლობას.

პროექტში მონაწილეობა შეეძლო 21-25 წლის ნებისმიერ ახალგაზრდას საქართველოს მასშტაბით. რთული შესარჩევი კონკურსი მოიცავდა ტესტირებებსა და გასაუბრებას. შესაბამისად, მხოლოდ საუკეთესო კანდიდატებს შეეძლოთ პროექტში მონაწილეობის მიღება.

პროექტის ფარგლებში კონკურსის წესით შეირჩა 50 საუკეთესო ახალგაზრდა. ისინი სპეციალურად ამ პროექტისთვის შემუშავებული ინტენსიური, უნიკალური, კომპლექსური სასწავლო პროგრამით გადამზადდნენ. ექვსთვიანი კურსი მოიცავდა  განსხვავებული შინაარსის 33 ტრენინგს. სასწავლო პროცესში  ჩართული იყვნენ დარგის წამყვანი სპეციალისტები, პროფესიონალები როგორც ადგილობრივ, ისე საერთაშორისო დონეზე. გადამზადების კურსი მიმდინარეობდა 2015 წლის 14 ოქტომბრიდან 2016 წლის 31 მარტის ჩათვლით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა