საქართველოს საგარეო საქმეთა იაპონიაში მომხდარ მიწისძვრასთან დაკავშირებით განცხადებას ავრცელებს.

„საქართველოს საგარეო საქმეთა სამინისტრო გამოხატავს ღრმა მწუხარებას 2016 წლის 14 აპრილს იაპონიის კუმამოტოს პრეფექტურაში (კ. კიუშიუ) მომხდარ მძლავრ მიწიძვრასთან დაკავშირებით, რომელსაც მოჰყვა მსხვერპლი და ასობით ადამიანის დაშავება.

საქართველოს საგარეო საქმეთა სამინისტრო, ამ მძიმე წუთებში, თანადგომას უცხადებს იაპონელ ხალხს და უსამძიმრებს გარდაცვლილთა ოჯახებსა და ახლობლებს;  დაშავებულებს კი სწრაფ გამოჯანმრთელებას უსურვებს“, - ნათქვამია უწყების განცხადებაში.

ცნობისთივის, იაპონიის კუნძულ კიუსუზე გუშინ მომხდარი მიწისძვრის შედეგად დაღუპულთა რაოდენობა 30-ს აღწევს. 7,3 მაგნიტუდის სიმძლავრის მიწისძვრას მთელი ღამის განმავლობაში ბიძგები მოჰყვა. ამასთან, სეისმოლოგები ახალ მიწისქვეშა ბიძგებს არ გამორიცხავენ. ღამის განმავლობაში სულ 230 ბიძგი დაფიქსირდა.

მიწისძვრის შედეგად შენობები ჩამოინგრა და ნანგრევებში ადამიანები არიან მოყოლილი. ადგილობრივი ხელისუფლება ხანძრების, ელექტროენერგიის გათიშვების და ხიდების ჩამონგრევის შესახებ იუწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო