2016-04-13 11:01:23, 419 ნახვა
პოლიტიკა
NDI-ს კვლევა: გამოკითხულთა მხოლოდ 14% ფიქრობს, რომ 2012 წლის შემდეგ, პარლამენტი უკეთესად მუშაობს
ეროვნულ- დემოკრატიული ინსტიტუტის საზოგადოებრივი აზრის კვლევის თანახმად, გამოკითხულთა 42% მიიჩნევს, რომ 2012 წლის შემდეგ, პარლამენტი იგივენაირად მუშაობს.
შესაბამის კითხვაზე პასუხისას, გამოკითხულთა 31% განაცხადა, რომ უარესად მუშაობს. მხოლოდ 14% ფიქრობს, რომ 2012 წლის შემდეგ, პარლამენტი უკეთესად მუშაობს.13%- მა კი, არ იცის.
კვლევის საველე სამუშაოები ჩატარდა 23 თებერვალი - 14 მარტის პერიოდში, საქართველოს მასშტაბით, 3,900 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
