NDI-ის კვლევის თანახმად, გამოკითხულთა უმეტესობის 40%-ის შეფასებით, საქართველო ცუდ ეკონომიკურ მდგომარეობაში იმყოფება.

კერძოდ, კითხვაზე, როგორია საქართველოს ამჟამინდელი ეკონომიკური მდგომარეობა, რესპონდენტთა 1 %-მა აღნიშნა, რომ ძალიან კარგია, 2 %-მა აღნიშნა, რომ კარგია, 29 %-ის აზრით საშუალოა, 40 % თვლის, რომ ცუდია, 26 % ფიქრობს, რომ ძალიან ცუდია, 2 %-მა კი შეკითხვაზე პასუხი არ იცის.

ამასთან, გამოკითხულთა 53 % -ის აზრით, საქართველოში ეკონომიკური პრობლემების მთავარი გამომწვევი მიზეზი გლობალური ეკონომიკური პრობლემებია. რესპონდენტთა 61 %-ი თვლის, რომ ეს ახლანდელი მთავრობის შეცდომებს უკავშირდება, ხოლო 59 %-ის ვარაუდით, შექმნილი ვითარება წინა მთავრობის შეცდომებითაა გამოწვეული.

გარდა ამისა, გამოკითხულთა 1% აზრით, მათი ეკონომიკური მდგომარეობა ძალიან გაუმჯობესდა, 19% თვლის, რომ მათი ეკონომიკური მდგომარეობა ნაწილობრივ გაუმჯობესდა, 48% მიიჩნევს, რომ ეკონომიკური მდგომარეობა იგივე დარჩა, 13%-ის აზრით ეკონომიკური მდგომარეობა ნაწილობრივ გაუარესდა, 4%-მა აღნიშნა, რომ ეკონომიკური მდგომარეობა ძალიან გაუარესდა, 16%-ი კი აღნიშნავს, რომ არ იცის.

კვლევის საველე სამუშაოები 23 თებერვალი-14 მარტის პერიოდში მიმდინარეობდა.

საქართველოს მასშტაბით, პირისპირ ინტერვიუს წარმომადგელობითი შერჩევის საფუძველზე, 3,900 პირი გამოიკითხა. NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს