„ხშირად გვესმის, რომ საქართველოს საკუთარი იდენტობის შენარჩუნებასა და ევროპულ ინტეგრაციას შორის არჩევანის გაკეთება უწევს. ამ არჩევანის გაკეთება არ არის აუცილებელი. ეს ცრუ დილემაა“, - განაცხადა ევროკავშირის ელჩმა საქართველოში პაველ გერჩინსკიმ წმინდა ანდრია პირველწოდებულის სახელობის უნივერსიტეტის (SANGU) სტუდენტებთან შეხვედრაზე.

მან მასწავლებლებსა და მომავალ პედაგოგებს პროფესიული დღესასწაული მიულოცა.

„გულწრფელად ვულოცავ მასწავლებლებს. თქვენი პროფესია უაღრესად მნიშვნელოვანია. პირადად ჩემთვის ამას განსაკუთრებული მნიშვნელობა აქვს, რადგან დედაჩემიც და მამაჩემიც პედაგოგები იყვნენ. SANGU ამტკიცებს, რომ შესაძლებელია ღრმად იყო ფესვგადგმული საკუთარ ტრადიციებში და ამავდროულად დარჩე ღია, თანამედროვე და საერთაშორისო კავშირში. მე მჯერა, რომ ეს უფრო ფართო გზავნილს გადმოსცემს, რომელიც უნივერსიტეტს სცდება. ხშირად გვესმის, რომ საქართველოს უწევს არჩევანის გაკეთება საკუთარი იდენტობის შენარჩუნებასა და ევროპულ ინტეგრაციას შორის. თქვენ არ გჭირდებათ ამ არჩევანის გაკეთება. ეს ცრუ დილემაა. „აბსოლუტურად შესაძლებელია როგორც SANGU-სთვის, ასევე მთლიანად საქართველოსთვის, დაეყრდნოს ტრადიციებსა და ქრისტიანობაში ღრმა ფესვებს და ამავდროულად იყოს ღია მსოფლიოსთვის და ისარგებლოს ევროპული ინტეგრაციის სარგებლით“, - ხაზგასმით აღნიშნა დიპლომატმა.

მან თქვა, რომ უყვარს საქართველო და არ ეშინია ამის ღიად თქმის.

„საქართველოში იმდენი რამ მიყვარს. არ მეშინია ამის ღიად თქმის: მე მიყვარს საქართველო“, - აღნიშნა გერჩინსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ რუსეთის მიმართულებით გაშვებული დრონებისა და რაკეტების რაოდენობით ახალი რეკორდი დაამყარა

სააკაშვილმა შავ ჭირის საფრთხის გამო რუსეთთან საზღვრის დაუყოვნებლივ ჩაკეტვისკენ მოუწოდა

ევროკავშირის ელჩი საქართველოში: იდენტობასა და ევროპულ ინტეგრაციას შორის არჩევანი ცრუ დილემაა

პაპუაშვილი: უმჯობესია შორეულ ქვეყნებთან პირდაპირი კომუნიკაციის შენარჩუნება