ლიტვის რესპუბლიკის პრემიერ-მინისტრმა, ალგიდრას ბუტკევიჩუსმა, საქართველოს საგარეო საქმეთა მინისტრთან, მიხეილ ჯანელიძესთან შეხვედრაზე კიდევ ერთხელ დაადასტურა ლიტვის მტკიცე მხარდაჭერა საქართველოს ევროპული და ევრო-ატლანტიკური მისწრაფებების მიმართ.  მან უაღრესად დადებითად შეაფასა ევროინტეგრაციის გზაზე საქართველოს მიერ მიღწეული წარმატება.

როგორც "ექსპრესნიუსს" საგარეო საქმეთა სამინისტროდან აცნობეს, ალგიდრას ბუტკევიჩუსმა ამ კონტექსტში განსაკუთრებით ხაზი გაუსვა იმ პროგრესს, რაც საქართველომ ვიზალიბერალიზაციის სამოქმედო გეგმის იმპლემენტაციის პროცესში აჩვენა და იმედი გამოთქვა, რომ აღნიშნული პროცესი ახლო მომავალში დასრულდება ევროკავშირსა და საქართველოს შორის უვიზო რეჟიმის ამოქმედებით.

უწყების ინფორმაციით, ლიტვის პრემიერ-მინისტრთან შეხვედრაზე განსაკუთრებული ყურადღება ლიტვა-საქართველოს ორმხრივ ურთიერთობებს დაეთმო. დადებითად შეფასდა ბოლო პერიოდში ეკონომიკურ ურთიერთობაში მიღწეული პროგრესი, რაც ქვეყნებს შორის სავაჭრო ბრუნვის მნიშვნელოვანი ზრდაში, ასევე ტურიზმის სფეროში თანამშრომლობის გააქტიურებაში  გამოიხატა.  მხარეებმა აღნიშნეს, რომ ქვეყნებს შორის არსებობს ბიზნეს სექტორში თანამშრომლობის განვითარების მზარდი პოტენციალი და საჭიროა ორმხრივი მუშაობა ადგილობრივ ბიზნეს წრეებთან.

პრემიერ-მინისტრთან შეხვედრაზე განიხილეს განათლების სფეროში თანამშრომლობის განვითარების შესაძლებლობები. მიხეილ ჯანელიძემ განსაკუთრებული მადლიერება გამოხატა ლიტვური მხარის ინიციატივების გამო, რაც საშუალებას აძლევს ქართველ სტუდენტებს, უმაღლეს განათლებას დაეუფლონ ლიტვაში.

საქართველოს საგარეო საქმეთა მინისტრმა მადლობა გადაუხადა მეგობარ სახელმწიფოს იმ თანადგომისთვის, რასაც ლიტვა იჩენს საქართველოს განვითარების ყველა მნიშვნელოვან ეტაპზე. თავის მხრივ, ლიტვის პრემიერ-მინისტრმა დადებითად შეაფასა  საქართველოში განხორციელებული მთელი რიგი რეფორმები და აღნიშნა, რომ ქვეყანამ აჩვენა დემოკრატიის მაგალითი, როგორც საპარლამენტო, ასევე საპრეზიდენტო და ადგილობრივი თვითმმართველობის არჩევნების ჩატარების პროცესში.

საუბარი რეგიონული უსაფრთხოების საკითხებს შეეხო. ლიტვამ საერთაშორისო უსაფრთხოების უზრუნველყოფის საქმეში შეტანილი წვლილისთვის საქართველოს მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა