საბურთალოს რაიონის გამგებელი ბექა მიქაუტაძე საირმის ქუჩაზე მცხოვრებ ახალგაზრდებს შეხვდა და საირმის ქუჩაზე მდებარე კალათბურთის მოედნის რეაბილიტაციას დაჰპირდა.

როგორც "ექსპრესნიუსს" თბილისის მერიიდან აცნობეს, შეხვედრა ადგილობრივი მოსახლეობის თხოვნით გაიმართა. მოსახლეობამ გამგებელს აუხსნა, თუ რამდენად საჭიროა ამ უბანში სპორტული მოედნის კეთილმოწყობა.

თბილისის მერიის ინფორმაციით, გამგებელთან ერთად შეხვედრაზე მისი მოადგილეეებიც იმყოფებოდნენ და მათ ერთად დაათვალიერეს დაზიანებული ინფრასტრუქტურა.

„სტადიონი, ფაქტობრივად, აღარ არსებობს. მოედანზე, რომელსაც საფარიც კი არასდროს ჰქონია, ხე-მცენარეებია ამოსული, დაზიანებულია მესერი, შეიძლება ითქვას, რომ ობიექტი საჭიროებს არა რეაბილიტაციას, არამედ თავიდან მოწყობას. ახალგაზრდებს ჩვენ შევთავაზეთ თავად აერჩიათ სტადიონის საფარის ნიმუშებიდან სასურველი და დავპირდით, რომ უახლოეს მომავალში შემსრულებელ კომპანიასთან გაფორმდება ხელშეკრულება და დაიწყება სამუშაოები“, - განაცხადა ბექა მიქაუტაძემ.

ადგილობრივებმა გამგებელს პირობა მისცეს, რომ სტადიონის რეაბილიტაციის დასრულების შემდეგ ისინი თავად იზრუნებენ ობიექტის მოვლა-პატრონობაზე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს