2016-04-05 13:20:52, 675 ნახვა
საზოგადოება
"მაესტროს" ახალი დირექტორი ჰყავს
შპს „სტუდია მაესტროს“ ახალი დირექტორი ჰყავს. პარტნიორთა კრებაზე ზურაბ ნაყეურის კანდიდატურას უმრავლესობამ მხარი დაუჭირა.
როგორც პარტნირთა კრების დასრულების შემდეგ მაკა ასათიანის ადვოკატმა გიორგი გვენეტაძემ განაცხადა, ნაყეური სავარაუდოდ, საჯარო რეესტრში დღესვე დარეგისტრირდება.
„ზურაბ ნაყეური სავარაუდოდ დღესვე დარეგისტრირდება საჯარო რეესტრში და შეუდგება ვალდებულებების შესრულებას. მაკა ასათიანმა ამ გადაწყვეტილებას მხარი დაუჭირა, რადგანაც დღეს საჭიროა მენეჯერი, ვინც ტელეკომპანიაში არსებულ ფინანსურ პრობლემებს მოაგვარებს“, - აღნიშნა გვენეტაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
