"ჩვენ და „ნაციონალებიც“, გამოკითხვების მიხედვით, ერთმანეთთან  სამეგობრო პარტიები არ ვართ", - ამის შესახებ „რესპუბლიკური“ პარტიის წევრმა ლევან ბერძენიშვილმა  „ნაციონალური მოძრაობის“ წევრის გია ბარამიძის განცხადებასთან დაკავშირებით აღნიშნა, რომლის თანახმადაც,  მათ „ქართული ოცნების“ გარდა  მუდმივად აქვთ დიალოგი საქართველოში არსებულ პრაქტიკულად ყველა პოლიტიკურ ორგანიზაციასთან.

ბერძენიშვილის თქმით, მათ  „ნაციონალურ მოძრაობასთან“ კონსულტაციები არ აქვთ:

„არ მგონია, რომელიმე "ნაციონალმა" ოდესმე თქვას, რომ ჩვენთან კონსულტაციას აპირებს, იმიტომ რომ იმ წუთში დაკარგავენ ხმებს.  ჩვენც და „ნაციონალებიც“, გამოკითხვების მიხედვით, ერთმანეთთან  სამეგობრო პარტიები არ ვართ”, - აღნიშნა ბერძენიშვილმა.

შეგახსენებთ, "ნაციონალური მოძრაობის" წევრმა გიორგი ბარამიძემ განაცხადა, რომ გამორიცხული არ არის,  საარჩევნოდ პარტიამ  კოალიცია შექმნას.

ბარამიძის თქმით,  ახლა ამ თემაზე საჯაროდ საუბარი ნაადრევია, თუმცა მისივე განმარტებით, „ნაციონალურ მოძრაობა" საქართველოში არსებულ ყველა პოლიტიკურ ორგანიზაციასთან, გარდა „ქართული ოცნებისა“  მუდმივად დიალოგს აწარმოებს.

„გამორიცხული არაა, საარჩევნო ინტერესებიდან გამომდინარე ამგვარი ნაბიჯი გადაიდგას, მაგრამ „ნაციონალური მოძრაობა“ იქნება ძირითადი მოქმედი პირი, პოლიტიკური სუბიექტი, რომელიც მიიღებს არჩევნებში მონაწილეობას. დანარჩენი ტაქტიკურად რა იქნება ჩვენთვის მიზანშეწონილი, ბუნებრივია ამ გადაწყვეტილებას როდესაც მიიღებს პარტიის პოლიტიკური საბჭო, თქვენ იქნებით პირველი, ვინც ამას გაიგებს“, - განაცხადა გიორგი ბარამიძემ.

კითხვაზე - მიმდინარეობს თუ არა კონსულტაციები რომელიმე პარტიასთან, ბარამიძემ უპასუხა: „ახლა ნაადრევია ამ თემაზე საჯაროდ საუბარი. ჩვენ მუდმივად გვაქვს დიალოგი საქართველოში არსებულ პრაქტიკულად ყველა პოლიტიკურ ორგანიზაციასთან, გარდა „ქართული ოცნებისა“. სხვადასხვა თემებთან დაკავშირებით „ქართულ ოცნებას“ ვეურთიერთებით, როგორც ხელისუფლებას, ბევრ რამეს მივუთითებთ, მაგრამ სამწუხაროდ, აქამდე არაფერი შეუსმენიათ“, - დასძინა ბარამიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო

მომავალ კვირას გაეროს გენერალურ ასამბლეაზე დაახლოებით 130 მსოფლიო ლიდერი შეიკრიბება

CNN: ტრამპმა ბოლო 12 დღის განმავლობაში განსაკუთრებით უცნაური საქციელი გამოავლინა

დაავადებათა კონტროლის ცენტრი - ბავშვების მდგომარეობა დამაკმაყოფილებელია, შემთხვევებს მნიშვნელოვანი გართულებები არ მოჰყოლია