საქართველოს პარლამენტის თავმჯდომარე დავით უსუფაშვილი მთიან ყარაბაღში განვითარებული მოვლენების  გამო პარლამენტარების  სახელით,  შეშფოთებას გამოთქვამს.  როგორც უსუფაშვილმა ბიუროს სხდომაზე განაცხადა, საქართველო კავკასიაში  მშვიდობის მომხრეა.

"მინდა, თქვენი სახელით შეშფოთება გამოვთქვა იმ მოვლენების გამო, რაც ჩვენს სამეზობლოში ვითარდება, სამწუხაროდ, ვიცით, რომ არის მსხვერპლი, ჩვენ ვართ შეშფოთებული იმით, რომ მიმდინარეობს შეიარაღებული კონფლიქტი ქართველებისთვის ორ მოძმე ხალხს შორის და ჩვენი პოზიცია იყო და რჩება ურყევი, ჩვენ გვინდა მშვიდობა კავკასიაში, ჩვენს ქვეყანაში, ჩვენს უშუალო სამეზობლოში, და გვინდა ხელი შევუწყოთ ყველა პრობლემის მშვიდობიანი გზით მოგვარებას, ამიტომ მივესალმებით საერთაშორისო საზოგადოების აქტიურობას ამ პროცესში, გვაქვს ჩვენი მოძმე აზერბაიჯანელი, სომეხი ხალხის ლიდერების კეთილგონიერების იმედი და დარწმუნებულები ვართ, რომ ისინი მიიღებენ გადაწყვეტილებებს, რაც შეაჩერებს ესკალაციას და არ გამოიყვანს ვითარებას კონტროლიდან", - განაცხადა უსუფაშვილმა და დასძინა, რომ საქართველოს ხელისუფლება, მთავრობა, ყოველდღიურ რეჟიმში   პროცესებში ჩართულია:

"არიან შესაბამის თანამდებობის პირებთან კონტაქტზე, ეს არის აუცილებელი საქართველოს უსაფრთხოების უზრუნველსაყოფათაც და ჩვენ სამეზობლოში მშვიდობის შესანარჩუნებლადაც",-განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო

მომავალ კვირას გაეროს გენერალურ ასამბლეაზე დაახლოებით 130 მსოფლიო ლიდერი შეიკრიბება

CNN: ტრამპმა ბოლო 12 დღის განმავლობაში განსაკუთრებით უცნაური საქციელი გამოავლინა

დაავადებათა კონტროლის ცენტრი - ბავშვების მდგომარეობა დამაკმაყოფილებელია, შემთხვევებს მნიშვნელოვანი გართულებები არ მოჰყოლია