2016-03-28 16:38:49, 448 ნახვა
პოლიტიკა
საქართველოს ხვალ ფილიპ ჰამონდი ეწვევა
29-30 მარტს საქართველოს დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სახელმწიფო მდივნი ფილიპ ჰამონდი ეწვევა.
საგარეო საქმეთა სამინისტროს ინფორმაციით, ვიზიტის ფარგლებში გაერთიანებული სამეფოს საგარეო საქმეთა სახელმწიფო მდივნი ფილიპ ჰამონდი შეხვედრებს გამართავს საქართველოს პრემიერ-მინისტრთან, პარლამენტის თავმჯდომარესთან და საგარეო საქმეთა სამინისტროში.
ამასთან, დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სახელმწიფო მდივნი ფილიპ ჰამონდი სიტყვით გამოვა „სამხრეთ კავკასიის ახალგაზრდა პოლიტიკოსთა ფორუმზე", რომელიც ნიდერლანდების ინსტიტუტი მრავალპარტიული დემოკრატიისთვის მიერ არის ორგანიზებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
