კონკურსში „ინტელექტუალური, საგანმანათლებლო და შემეცნებითი პროექტების წახალისება“  სხვადასხვა სკოლის მოსწავლეებმა 27 პროექტით გაიმარჯვეს. 

თბილისის მერის მოადგილე ნინა ხატისკაცმა გამარჯვებულები სიგელებით დააჯილდოვა და ახალი კონკურსი გამოაცხადა. ღონისძიებას ასევე ესწრებოდნენ თბილისის საკრებულოს თავმჯდომარე გიორგი ალიბეგაშვილი და საკრებულოს წევრი თამარ ტალიაშვილი.

როგორც მერიაში აცხადებენ, პროექტის მიზანია, მოსწავლეებმა კიდევ უფრო ხარისხიანი ფორმალური განათლება მიიღონ და  დედაქალაქის სკოლებში  არაფორმალური განათლების შესაძლებლობა გაფართოვდეს.

პირველი კონკურსი ორ ეტაპად განხორციელდა. პროექტში თბილისის საჯარო სკოლების მოსწავლეთა თვითმმართველობების, სასკოლო კლუბებისა  და საინიციატივო ჯგუფების, 3000-ზე მეტი პირდაპირი და არაპირდაპირი ბენეფიციარი მონაწილეობდა. ახალი კონკურსისთვის, აპლიკაციების მიღება 15 აპრილამდე გაგრძელდება.

კონკურსი თბილისის მერიის განათლების, სპორტისა და ახალგაზრდულ საქმეთა  საქალაქო სამსახურმა პირველად  2015 წელს გამოაცხადა და შემდეგ თემებს მოიცავს: ჯანსაღი ცხოვრების წესი; პროფესიული ორიენტაცია და კარიერის დაგეგმვა; ახალგაზრდა მეცნიერები; თანაბარი უფლებები, თანაბარი შესაძლებლობები; სამოქალაქო და სამართლებრივი ცნობიერების ამაღლება; დემოკრატიული გარემოს მშენებლობა სკოლებში; კულტურა და ხელოვნება; ძალადობისაგან თავისუფალი სკოლა; ეკოლოგია და გარემოს დაცვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს