საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ მოხალისე ტრენერები დაბა დმანისის #1 საჯარო სკოლას ესტუმრნენ და ბულინგის შესახებ სამი ტრენინგი ჩაატარეს.

ცენტრის ინფორმაციით, ტრენინგები ცალ-ცალკე ჩაუტარდათ   მოსწავლეებს, მშობლებსა და პედაგოგებს. შეხვედრები უშუალოდ სკოლის ადმინისტრაციის ინიციატივით გაიმართა.

სამიზნე ჯგუფის განსხვავებული სპეციფიკიდან გამომდინარე, ტრენინგების შინაარსი და ფორმულირება შესაბამისად ინდივიდუალურად განისაზღვრა. მონაწილეები აქტიურად იყვნენ ჩართულნი განხილვის პროცესში; ერთობლივად მუშაობდნენ პრობლემის გაანალიზებისა და გადაჭრის გზების ძიების საკითხზეც. პრობლემის აქტუალურობა და ამ მხრივ არსებული გამოწვევების გააზრება განსაკუთრებულად მნიშნველოვანი აღმოჩნდა პედაგოგებისა და მშობლებისთვის. ტრენინგების დასასრულს დისკუსია გაიმართა ბულინგის შემთხვევების იდენტიფიცირებისა და ამ პროცესის შეჩერების შესახებ. ტრენინგებს უძღვებოდნენ მოხალისეები - თეონა გედენიძე, ხატია ნადარეიშვილი და თამარ ჟვანია.

სსიპ „დანაშაულის პრევენციის ცენტრი“ დმანისის #1 საჯარო სკოლაში არაფორმალური განათლების სხვადასხვა აქტივობას კვლავ ჩაატარებს. ბულინგის წინააღმდეგ მიმართული კამპანია, რომლის სამიზნე ჯგუფი სკოლის მოსწავლეებთან ერთად მშობლები და პედაგოგებიც იქნებიან, კვლავ აქტიურად გაიმართება მომდევნო თვეების განმავლობაში თბილისის სკოლებშიც.

იუსტიციის სამინისტროს სსიპ „დანაშაულის პრევენციის ცენტრი" სხვადასხვა ახალგაზრდულ პროგრამას ახორციელებს. მათი ერთ-ერთი მთავარი მიზანია მოზარდებში სამართლებრივი და სამოქალაქო ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს