„მომწონს ბრძოლა კორუფციასთან, მომწონს შეუვალობა და პრინციპულობა, მინდა გამოძიებული იყოს ყველაფერი, ყველასაგან, ვინც არ უნდა იყოს იგი და რა თანამდებობაზე არის თუ იყო, მაგრამ ისიც უნდა ვთქვა, რომ რაღაც ვერაა ისე, როგორაც უნდა მას, ვინც ესენი დაგეგმა...- წერს ვანისა და ბაღდათის მიტროპოლიტი ანტონი სოციალურ ქსელში.

გიჭირთ, საიდან ვხვდები? რატომ აწერთ ამოღებულ 7 მილიონს შვიდ თუ რამდენიმე პიროვნებას, ეს ამოღებული 7 მილიონი იქნებ ერთ პირს ეკუთვნის ან 6 პირს, რატომ სვრით იმ 6 კაცს თუ იმ ერთს...

გიჭირთ, გსურთ, ყველა იყოს დამნაშავე, ასე არ შეიძლება, დაფიქრდით... ხალხი ნუ გგონიათ ბრბო...

წყაროსთან ზის და იკრიბება ხალხი, მიდის მსჯელობა... სადაც აშკარად ჩანს რომ გიჭირთ... ყველა გზით ცდილობთ, ჯერ სახელი გაუფუჭოთ მათ და შეაგუოთ ხალხი მათ დაჭერას და დაკავებას, ასე იქცეოდნენ ბოლშევიკები, როდესაც ავტორიტეტების განადგურება სურდათ...“, - წერს ვანისა და ბაღდათის მიტროპოლიტი ანტონი სოციალურ ქსელში.

შეგახსენებთ, რომ 18 ოქტომბერს სახელმწიფო უსაფრთხოების სამსახურმა ირაკლი ღარიბაშვილის, გრიგოლ ლილუაშვილის, ოთარ ფარცხალაძისა და მათთან დაკავშირებული პირების სახლში ჩხრეკის შესახებ ინფორმაცია გაავრცელა.

სუსში გამართულ ბრიფინგზე ცნობილი გახდა, რომ 17 ოქტომბერს ჩხრეკა ჩატარდა 24 ბინასა და საცხოვრებელ სახლში. ღონისძიებები ჩატარდა თბილისში, დედოფლისწყაროში, ჩოხატაურში, ვანსა და ბორჯომში.

უწყების ცნობით, ამოღებულია 7 002 200 აშშ დოლარი, 136 000 ლარი, 198 ერთეული ძვირფასი ნაკეთობა და საათი, ძვირადღირებული ნახატები, დოკუმენტაცია რამდენიმე ათას ფურცლად, 50 ერთეული მობილური ტელეფონი და 119 ერთეული ელექტრომოწყობილობა.

სუსის ცნობით, მიმდინარეობს დოკუმენტაციასა და ელმოწყობილობებზე არსებული ინფორმაციის შესწავლა და ფულის წარმომავლობის დადგენა.

ავტორი: ექსპრესნიუსი,

სოციალური ქსელები

კონგრესმა მიიღო კანონპროექტი ჯოჯოხეთური სანქციები“ რუსეთის წინააღმდეგ „ და დოკუმენტი ხელმოსაწერად ტრამპს გაუგზავნა

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს